საშინელი ავარია ათენის ცენტრში
საშინელი ავარია ათენის ცენტრში
სულ რამოდენიმე წუთის წინ ათენის ცენტრში და კერძოდ პატისიონის ქუჩაზე საშინელი ავტოავარია მოხდა.
როგორც თვითმხილველი ამბობს “ფიატის” მარკის მანქანა რომელიც მაღალი სიჩქარით მოძრაობდა შეეჯახა მიკროავტობუსს. შემთხვევის შედეგად მიკროავტობუსი ამოტრიალდა მსუბუქი ავტომობილი კი გზის სავალი ნაწილიდან გადავიდა.
იგივე თვითმხილველი ამბობს რომ “ფიატის მძღოლი შემთხვევის ადგილიდან მიიმალა. დაშავებულია მიკროავტობუსის მძღოლი, “ფიატის” მგზავრი და კიდევ ერთი ადამიანი რომელიც უბრალოდ იმ დროს გზას კვეთავდა.
სასწრაფო დახმარების ჯგუფებმა დაზარალებულები საავადმყოფოში გადაიყვანეს, ამ დროისთვის მათი მდგომარეობა უცნობია.
ოფიციალურად ავტოსაგზაო შემთხვევის გამომწვევი მიზეზები და სხვა დამატებითი დეტალები ჯერჯერობით ცნობილი არ არის. შემთხვევის ადგილზე მობილიზებული არიან სამართალდამცავები.
