სახიფათოდ მაღალი ტემპერატურის შედეგად გამოწვეული საფრთხის შესაფასებლად ექსპერტთა კომიტეტის შეხვედრა გაიმართა

სახიფათოდ მაღალი ტემპერატურის შედეგად გამოწვეული საფრთხის შესაფასებლად ექსპერტთა კომიტეტის შეხვედრა გაიმართა

მოსალოდნელი სახიფათო სიცხის გამო, დღეს დილით სამოქალაქო დაცვის გენერალურმა მდივანმა, ნიკოს პაპაევსტათიუმ, რისკების შეფასების კომიტეტი მოიწვია.

კომიტეტის წევრი ექსპერტების მიერ გაკეთებული განაცხადის თანახმად ხვალიდან საბერძნეთის ტერიტორიაზე ტემპერატურა 41 გრადუსს გადააჭარბებს. გაუსაძლისი სიცხე კი თითქმის 1 კვირას გასტანს. 

მაღალი ტემპერატურა და ატმოსფეროში დიდი რაოდენობით ნესტი სახიფათოა როგორც მოწყვლადი ჯგუფებისთვის, ასევე სრულიად ჯანმრთელი ადამიანებისთვისაც და რაღათქმაუნდა საფრთხის შემცველია ხანძრის გაჩენის რისკის გაზრდისმხრივაც.

კომიტეტის შეკრების შემდეგ კლიმატური კრიზისისა და სამოქალაქო დაცვის მინისტრმა, იანნის კეფალოიანნისმა სამინისტროთაშორისი საკოორდინაციო შეხვედრა გამართა.

შეხვედრაზე გადაწყდა:

• სახანძრო სამსახური იქნება სრულ მზადყოფნაში მომდევნო 6 დღის განმავლობაში.
• გაძლიერებული მზადყოფნის გეგმას განახორციელებენ შინაგან საქმეთა, ჯანდაცვის, შრომის, სოციალური უზრუნველყოფისა და ტურიზმის სამინისტროები.
• შეიარაღებული ძალები განახორციელებენ პატრულირებას მუდმივ რეჟიმში და საჭიროების შემთხვევაში დაუყოვნებლივ მოქმედებისთვის ხელთ ექნებათ საჭირო აღჭურვილობა.
• სრულ მზადყოფნაში იქნება საბერძნეთის პოლიცია.