სტამატაში ცეცხლთან ბრძოლა გრძელდება
სტამატაში ცეცხლთან ბრძოლა გრძელდება
დღეს შუადღის 16:00 საათისკენ ხანძარი გაჩნდა სტამატა დიონისოსის ტყეში.
ცეცხლი დასახლებულ ტერიტორიასთან ახლოს მძვინვარებს. ადგილზე მობილიზებულია საჰაერო და სახმელეთო სახანძრო სამსახურის ბრიგადები, თუმცა ძლიერი ქარების გამო ცეცხლის დამორჩილება ფაქტობრივად შეუძლებელია. დაახლოვებით 19:00 საათისკენ კი ხანძრის მთავარმა კერამ უკვე ღალინის დასახლებაში გადმოინაცვლა.
სამოქალაქო დაცვის სამინისტრომ დაგზავნა შეტყობინობები, რომლითაც ხანძრის მიმდებარე ტერიტორიის მოსახლეობას მოუწოდებს დატოვონ ტერიტორია და მიყვნენ სამართალდამცავი ორგანოებისა და სახანძრი სამსახურის მიერ გაცემულ მითითებებს.
ხანძრის შედეგად დაშავდა 45 წლის მამაკაცი, რომელსაც დაემართა გულის შეტევა. სასწრაფო დახმარების მანქანამ დაზარალებული საავადმყოფოში გადაიყვანა.
