ტრაგედია აგიოს ნიკოლაოსში-გარდაცვლილია მამაკაცი, რომელიც თავისი მანქანით ზღვაში ჩავარდა

უბედური შემთხვევა კრიტზე,  აგიო ნიკოლაოს ლასითის სანაპიროზე მოხდა. ქალაქის მაცხოვრებელი ხანდაზმული მამაკაცი, რომელიც გაურკვეველ ვითარებაში, მანქანით ჩავარდა ზღვაში, ნაპირზე უგონო მდგომარეობაში გამოიყვანეს.

შემთხვევა ქალაქის სანაპირო ქუჩაზე მოხდა, სადაც ყოველ ღამე უამრავი მოქალაქე დადის.

გავრცელებულ ინფორმაციაში ნათქვამია, რომ მსუბუქი ავტომობილი, რომელსაც 83 წლის მამაკაცი მართავდა, სანაპიროზე ზღვის მიმართულებით უკონტროლოდ მოძრაობდა.

შემთხვევის ადგილზე მივიდნენ ნავსადგურის მესაზღვრეები, სამაშველო ჯგუფი, მეხანძრეები და სასწრაფო დახმარების მანქანები. მყვინთავებმა ჩაყვინთეს მოხუცი კაცის გამოსაყვანად, მაგრამ უკვე გვიანი იყო.

გამოყვანისთანავე მამაკაცი სასწრაფო დახმარების მანქანამ  აგიოს ნიკოლაოს საავადმყოფოში გადაიყვანა, სადაც მისი გარდაცვალება დადასტურდა.

ამ დროისთვის იკვლევენ, დაკარგა თუ არა გონება 83 წლის მამაკაცმა პათოლოგიური მიზეზების გამო, რადგან მანქანას დამუხრუჭების კვალი არ აღმოაჩნდა.

მისი გარდაცვალების ზუსტ მიზეზს ექსპერტიზა დაადგენს.