Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

ტრაგედია არტაში: ექსპერტიზის დასკვნით ჩვილის გარდაცვალების მიზეზი სითბური ინსულტი გახდა

5 თვის ჩვილი, რომლის ტრაგიკულმა გარდაცვალებამ მთელი საბერძნეთი შეძრა, ჟანგბადის ნაკლებობისა და სითბური ინსულტისგან გარდაიცვალა მას შემდეგ, რაც  მამამ  დაახლოებით 8 საათის განმავლობაში მანქანაში  მარტო დატოვა.

სასამართლო ექსპერტიზის დასკვნის მიხედვით, რომელიც გაკვეთის პროცედურის შემდეგ გახდა ცნობილი, ბავშვი უჰაერობის  შედეგად გარდაიცვალა, რადგან დახურულ მანქანაში სუნთქვა არ შეეძლო და განსაკუთრებით მაღალი ტემპერატურა იყო.

იმ ადგილას, სადაც 37 წლის ახალგაზრდამ მანქანა გააჩერა, უამრავი ადამიანი მოძრაობს,  მაგრამ ვერავინ მიხვდა, რომ  სავარძელზე მიბმული ბავშვი მანქანაში მარტო იყო.

სავარაუდოდ, ბავშვი ადვილად არ ჩანდა, რადგან მანქანის მინები დაბურული იყო და ტირილის ხმასაც  ვერავინ გაიგებდა, რადგან  მინები დაკეტილი იყო.

5 თვის  გოგონას პანაშვიდი შაბათს, 2:00 საათზე გაიმართება.

რადგან ბავშვი მონათლული არ იყო, დაკრძალვამდე მას მონათლავენ და ნათლობის სახელს ლიდიას დაარქმევენ, შემდეგ კი დაკრძალვის ცერემონია ჩატარდება.

როგორც ცნობილია,   მამამ ჩვილი მანქანის უკანა სავარძელზე  მოათავსა, რათა ჯერ  ჩვილებისთვის განკუთვნილ სპეციალურ ბაგა- ბაღში  წაეყვანა და შემდეგ სამსახურში წასულიყო  თუმცა,  ამის ნაცვლად, მან გააჩერა მანქანა, ჩაკეტა, გადაინაცვლა  თავისი  კომპანიის მანქანაში სამუშაოს  დასაწყებად  და ვერც კი გააცნობიერა, რომ მანქანის უკანა სავარძელზე მიბმული 5 თვის გოგონა დაავიწყდა.

წარმოუდგენელი ტრაგედია მაშინ გამჟღავნდა, როცა ბავშვის დედა ბაღში მივიდა მის წამოსაყვანად, სადაც  თანამშრომლებმა უთხრეს, რომ ბავშვი იმ დღეს  არ  მიუყვანიათ  და როცა  შეშინებულმა ქმარს  დაურეკა, მიიღო პასუხი „სწრაფად გათიშე, ბავშვი მანქანაში დამავიწყდა“ .

ჩვილის მამა მანქანასთან მივარდა და 5 თვის გოგონა უგონო მდგომარეობაში დახვდა.

ბავშვი 14:55 წუთზე გადაიყვანეს არტასის გენერალურ ჰოსპიტალში, სადაც ექიმების ზეადამიანური მცდელობის მიუხედავად, გარდაცვალება დაფიქსირდა.

მამა არტას პროკურატურის მიერ განზრახ მკვლელობის ბრალდებით დააკავეს, 27 წლის დედა კი მძიმე ფსიქიკურ მდგომარეობაში მყოფი,   სედაციური  თერაპიის ქვეშ იმყოფება.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *