არასრულწლოვნებმა ჯიხური გაძარცვეს
არასრულწლოვნებმა ჯიხური გაძარცვეს
კვირას ღამით ილიუპოლში მდებარე ჯიხური სამმა არასრულწლოვანმა გაძარცვა.
“ყელზე დანა მომადეს და მითხრეს არ გავნძრეულიყავი და არც ხმა ამომეღო.” – განაცხადა გამყიდველმა ტელემაუწყებელ ΣΚΑΪ-სთან საუბრისას.
დაზარალებულმა მძარცველებზეც ისაუბრა და განაცხადა: “ახალგაზრდები იყვნენ და საერთოდ არ ჰქონდათ შიშის გრძნობა. ძალიან რთულია როცა იარაღს გიმიზნებენ, სისხლი გამეყინა. ვიცოდი, რომ რაღაც უნდა გამეკეთებინა, მაგრამ გადავწყვიტე რომ არ გამერისკა.”
ახალგაზრდებმა ჯიხური გამთენიის 01:00 საათზე გაძარცვეს. სამიდან ერთ-ერთს ცეცხლსასროლი იარაღი ჰქონდა, ხოლო მეორეს კი დანა.
მძარცველებმა ჯიხურიდან სიგარეტი და 800 ევრო წაიღეს და ადგილიდან მიიმალნენ.
პოლიციის მიერ გავრცელებული ინფორმაციის თანახმად გამოძიების შედეგად დადგინდა ერთ-ერთი არასრულწლოვანის ვინაობა, თუმცა ამ დრომდე მისი დაკავება ვერ მოხერხდა.
