შაბათს, 5 ივლისს მეტრო 24 საათიანი განრიგით სატესტო რეჟიმში იმუშავებს
შაბათს, 5 ივლისს მეტრო 24 საათიანი განრიგით სატესტო რეჟიმში იმუშავებს
შაბათს 5 ივლისს, იგეგმება მეტროს 24 საათიანი განრიგით ამუშავება სატესტო რეჟიმში.
როგორც სატრანსპორტო სამინისტროს მინისტრის დროებითი მოვალეობის შემსრულებელმა, კოსტას კირანაკისმა ტელემაუწყებელ Open-თან საუბრისას განაცხადა, რომ თუ სატესტო რეჟიმი ხარვეზების გარეშე ჩაივლის სექტემბრიდან ყოველ შაბათს მეტრო 24 საათის განმავლობაში იმუშავებს.
“შაბათს მეტროს 24 საათიანი განრიგით გადაადგილების პირველი მცდელობა იქნება. მადლობას ვუხდი თანამშრომლებს, რომ იღებენ მონაწილეობას ამ ინიციატივაში. აუცილებლად დაჯილდოვდება თითოეული მათგანი. არსებობს სხვადასხვა გამოწვევები, რომლებიც შაბათობით მეტროს ხაზის 24 საათიან რეჟიმში მუშაობას უკავშირდება. გასულ 2 შაბათ დღეს უკვე მოხდა სატესტო რეჟიმში ვაგონების გადაადგილება მგზავრების გარეშე, ყველაფერმა წარმატებით ჩაიარა. ვთვლი რომ 5 ივნისსაც ყველაფერი კარგად იქნება. მეტროსადგურებში იქნებიან პოლიციელები, რათა თვალყური ადევნონ მოვლენების განვითარებას. თუ ყველაფერი კარგად ჩაივლის სექტემბრიდან მეტრო შაბათობით 24 საათიანი განრიგით ამუშავდება.” – აცხადებს კოსტას კირანაკისი.
