შეიარაღებული ძარცვა სალონიკში
შეიარაღებული ძარცვა სალონიკში
კვირას გამთენიისას თესალონიკში მინი-მარკეტი გაძარცვეს.
ვიდეომასალაში ჩანს, რომ ორი მძარცველიდან ერთ-ერთი გამყიდველს იარაღით ემუქრება და მისგან სალაროს ამოცლას ითხოვს, რათა წაიღოს სრული თანხა. მეორე მძარცველიც პარალელურად ემუქრება მინი-მარკეტის თანამშრომელს დანით. ფსიქოლოგიური ზეწოლა მხოლოდ იარაღის მუქარით არ დასრულებულა, ცნობილია, რომ მძარცველებმა მოლარეს წიწაკის სპრეი შეასხეს თვალებში, რათა რამე არ მოემოქმედებინა მათ საწინააღმდეგოდ და მშვიდად დაეტოვებინათ მინი-მარკეტის ტერიტორია.
გამომდინარე იქიდან რომ ქალაქში გახშირდა მსგავსი ტიპის დანაშაული, მოქალაქეთა დაცვის მინისტრი მიხალის ხრისოხოიდისი, სალონიკში ჩავა, რათა შემუშავდეს სწორი ტაქტიკა წვრილმანი დანაშაულების აღმოსაფხვრელად.
Facebook Comments Box
