ყველაზე ბედნიერი და უბედური ქვეყნები მსოფლიოში

ყველაზე ბედნიერი და უბედური ქვეყნები მსოფლიოში

აგერ უკვე მეშვიდე წელია ყველაზე ბედნიერი ქვეყნების სიაში ფინლანდია პირველ ადგილს იკავებს, ხოლო ბოლო ადგილზე კი ავღანეთი დგას.

ყველაზე ბედნიერი ქვეყნების პირველი ათეულიდან 8 ევროპის ქვეყანაა. ფინლანდიის შემდეგ მეორე ადგილს დანია იკავებს, ხოლო მესამე ადგილზე კი ისლანდიაა. პირველ ათეულში ასევე ვხედავთ შვედეთს, ისრაელს, ჰოლანდიას, ნორვეგიას, ლუქსემბურგს, შვეიცარიას და ავსტრალიას.

ამ წელს საბერძნეთმა რვა ადგილით უკან დაიხია და 64-ე ადგილზე აღმოჩნდა, ხოლო ბედნიერი ქვეყნების ჩამონათვალში საქართველოს კი 91-ე ადგილზე ვხედავთ.

 

კვლევებზე დაყრდნობით დადგინდა რომ ადამიანები რომლებიც 1965 წლამდე დაიბადნენ, ეგრეთ წოდებული “ბუმერები” უფრო ბედნიერები არიან, ვიდრე ადამიანები, რომლებიც 1980 წლის შემდეგ დაიბადნენ. 

მკვლევარები აცხადებენ, რომ ევროპელი და ჩრდილო-ამერიკელი ახალგაზრდები ნაადრევად გადიან ეტაპს, რომელსაც შუა ხნის კრიზისს ვუწოდებთ.

კვლევა “The World Happiness Report” დაფუძნებულია კითხვა-პასუხის ტიპის შეფასებაზე, რომლიდანაც დგინდება თუ რამდენად ბედნიერად ან უბედურად გრძნობს ქვეყნის მოსახლეობა თავს.