შემზარავი კადრები კუნძული ხიოსიდან

შემზარავი კადრები კუნძული ხიოსიდან

შემზარავია კადრები კუნძული ხიოსიდან, რომელსაც პრესა ავრცელებს.

ხანძარი კუნძულის ცენტრს უახლოვდება, ადგილობრივი მოსახლეობა პანიკაშია რადგან საფრთხე არამხოლოდ მათ უძრავ ქონებას, კუნძულის მდიდარ ფლორას და სიმწვანეს ემუქრება, არამედ ადამიანების სიცოცხლესაც.

იწვის კუნძულის როგორც სატყეო ასევე სამეურნეო ნაწილიც. ევაკუირებულია უკვე არაერთი რეგიონი და მაქსიმალურად მობილიზებულია ყველა პასუხისმგებელი ორგანო ხანძრისგან გამოწვეული ნებისმიერი საშიშროების თავიდან ასარიდებლად.

სამოქალაქო დაცვისა და კლიმატური კრიზისის სამინისტრო ხანძრის განზრახ გაჩენის ვარაუდს არ გამორიცხავს. 

შეგახსენებთ, რომ კუნძულ ხიოსზე კვირას, 22 ივნისს, შუადღეს გაჩენილი ცეცხლის ჩასაქრობად ამ დრომდე მუშაობენ მეხანძრეები.

ხანძარს ისევ 3 აქტიური კერა აქვს და ცეცხლი ელვის სისწრაფით ედება მიმდებარე ტერიტორიას. 

სახანძრო სამსახურის მიერ გავრცელებული ინფორმაციის თანახმად განსაკუთრებით მძიმე მდგომარეობაა აღიოს ღეორღიოს სიკუსისსზე, ვესსასა და დაფნონაზე.

დილის 06:00 საათიდან დაიწყო ვესსადან მოსახლეობის ევაკუაციაც.

გუშინდელი დღიდან კუნძულზე ოფიციალურად საგანგებო მდგომარეობაა გამოცხადებული. ხანძრის ჩასაქრობად 444 მეხანძრე 85 სახანძრო მანქანით მუშაობს, რომლებსაც 21 მოლაშქრე-მეხანძრეთა დაჯგუფება და 8 ვერტმფრენი ეხმარება.