შურისძიება… ფეკალიებით

შურისძიება… ფეკალიებით

თესალონიკი: მამაკაცმა შურისძიების მიზნით, მეზობლის მანქანასა და მაღაზიას… ძაღლის ფეკალიები  წაუსვა.

დაპირისპირება ერთი კორპუსის მეიჯარე მეზობლებს შორის დაიწყო,  და შემდგოში, სერიოზულ კონფლიქტში გადაიზარდა.

გზა, რომელიც მეზობლებმა პრობლემის გადასაჭრელად აირჩიეს  ყოვლად მიუღებელი და ამაზრზენი აღმოჩნდა.მომდურავი მხარეები ერთმანეთისათვის ზიანის მიყენების მიზნით, კუთვნილი მაღაზიის ვიტრინასა და ავტომანქანას… ძაღლის შარდითა და ფეკალიებით  აბინძურებენ.

ზემოხსენებულ საქმესთან დაკავშირებით, სასამართლოს წინაშე 71 წლის ბერძენი მამაკაცი წარსდგა, რომელმაც ცხოვრების უმეტესი ნაწილი ავსტრალიაში გაატარა და მხოლოდ პენსიაზე გასვლის შემდეგ დაბრუნდა სამშობლოში. ხანდაზმულ ემიგრანტს ბრალად  ედება  მეზობლისათვის უწყვეტად და  რეგულარულად შეურაცხყოფა.

საჩივრის მიხედვით, ერთერთი ასეთი ქმედება მოხდა 2022 წლის 5 ნოემბერს, მაშინ როცა იმავე და მომდევნო დღეს, 71 წლის მამაკაცმა ძაღლის ექსკრემენტი  მეზობლის ავტომობილს შეასხა, რითაც შეურაცხყო ის და ზიზღი გამოავლინა მის მიმართ.

„ჩვენ, წარსულშიც შევიტანეთ სარჩელი ჩვენი უზნეო მეზობლის წინააღმდეგ, თუმცა  მისი ქცევა არ შეცვლილა“, – აღნიშნავს მოსარჩელე.

ორივე მომჩივანი მეზობელი საკუთარი სიმართლის დამტკიცებას ცდილობს, ხოლო თუ რომელი მხარე გამართლდება, ამას სამართალდამცავები გადაწყვეტენ.