ჩამონგრეულმა კედელმა სტუდენტის სიცოცხლე იმსხვერპლა – ბრალდებულებს სასამართლომ პირობითი თავისუფლების აღკვეთა შეუფარდა
ჩამონგრეულმა კედელმა სტუდენტის სიცოცხლე იმსხვერპლა – ბრალდებულებს სასამართლომ პირობითი თავისუფლების აღკვეთა შეუფარდა
22 წლის სტუდენტის, ნიკოლას ბიცაკისის გარდაცვალების საქმეზე წარმოებული პირველი ინსტანციის სასამართლო პროცესი გუშინ დასრულდა. ბიცაკისი 2022 წლის თებერვალში ლარისაში, ასკლიპიუს ქუჩაზე მიტოვებული შენობის ნაწილის ჩამონგრევის შედეგად დაიღუპა.
ლარისას სამწევრიანმა სასამართლომ ქონების მესაკუთრე და ურბანული დაგეგმარების დეპარტამენტის ყოფილი უფროსი დამნაშავედ ცნო, პირველს 2 წლითა და 2 თვით, ხოლო მეორეს 20 თვით თავისუფლების აღკვეთა მიუსაჯა, და ორივეს სასჯელი 3 წლიანი პირობითით ჩაანაცვლა.
სასჯელის გამოცხადებამ სასამართლო დარბაზში აჟიოტაჟი გამოიწვია, ნიკოლასის მშობლებმა განაცხადეს, რომ სასამართლომ ვერ გაიაზრა დანაშაულის სიმძიმე და სათანადოდ არ აგებინა პასუხი დამნაშავეებს.
გარდაცვლილის მამამ პროცესის დასრულების შემდეგ გამოაქვეყნა პოსტი, რომელშიც დაგმო სასამართლოს გადაწყვეტილება: “დღეს სირცხვილიც კი შეარცხვინეს. აბსურდის თეატრში სამართლიანობად წოდებული ბოლო მოქმედება დასრულდა და უსამართლობამ გაიმარჯვა.” მანოს ბიცაკისმა იქვე განაცხადა, თუ როგორ მარტო გრძნობდა თავს სისტემის წინააღმდეგ, რომელსაც არ ადარდებს დაკარგული ბავშების სიცოცხლეები.
