ჩინელი თარჯიმნის საიდუმლოებით მოცული გაუჩინარების საქმე

ჩინელი თარჯიმნის საიდუმლოებით მოცული გაუჩინარების საქმე

საბერძნეთის პოლიცია 50 წლის ჩინელი თარჯიმნის, იუ ტინის გაუჩინარების საქმეს იძიებს. 

იუ ტინი 20 მაისს სახლიდან გავიდა სპატას მუნიციპალიტეტის მიმართულებით. სპატაში დოკუმენტაცია აიღო, რომელიც მეუღლეს გაუგზავნა. მალევე დედამთილს ავტობუსის გაჩერებიდან და შემდგომ უკვე ავტობუსში გადაღებული ფოტოსურათები გაუგზავნა და ამის შემდეგ აღარავის დაკავშირებია.

ავტობუსის მძღოლის განცხადების თანახმად, ქალმა იმ დღეს ავტობუსით „ნომიზმატოკოპიოს“ სადგურამდე იმგზავრა, თუმცა ამის შემდეგ მისი გადაადგილების შესახებ ინფორმაცია აღარ არსებობს.

ოჯახი აცხადებს, რომ თავდაპირველად პოლიციამ იუ ტინის გაუჩინარებასთან დაკავშირებით შესულ ინფორმაციას სათანადო ყურადღება არ მიაქცია და მათ ურჩია დამოუკიდებლად დაეწყოთ ქალის ძებნა. თუმცა მოგვიანებით საქმეში სხვა სამართალდამცავი უწყებები ჩაერთნენ და გამოძიება აქტიურად გაგრძელდა.

გამოძიება ვარაუდობს, რომ თარჯიმანი დანაშაულის მსხვერპლი შეიძლება გამხდარიყო, რადგან სამსახურის ხასიათიდან გამომდინარე ხშირად დიდი ოდენობით ნაღდი ფული ჰქონდა თან.