კრეტა: 40 წლის ქალი ცეცხლსასროლი იარაღით მიყენებული ჭრილობით დაიღუპა

კრეტა: 40 წლის ქალი ცეცხლსასროლი იარაღით მიყენებული ჭრილობით დაიღუპა

კუნძულ კრეტაზე, მალევიზიოს მუნიციპალიტეტში ტირის მოედანზე 40 წლის ქალი ცეცხლსასროლი იარაღით მიყენებული ჭრილობის შედეგად დაიღუპა.

თავდაპირველად გავრცელდა ინფორმაცია, რომ უბედური შემთხვევა იარაღის შემთხვევით გასროლას უკავშირდებოდა, თუმცა მოგვიანებით თვითმხილველების ჩვენებებმა სხვა რეალობის წინაშე დააყენა გამოძიება. აღნიშნული ტერიტორიის წარმომადგენლის განცხადებით, ქალი, წარმოშობით სალონიკიდან, იქ სტუმრის სტატუსით იმყოფებოდა და სროლაში მონაწილეობდა. მისი თქმით, გასროლის წინ ქალმა ინსტრუქტორს სთხოვა, რამდენიმე ნაბიჯით უკან დაეხია, რადგან მისი სიახლოვე აღელვებდა. როგორც კი ინსტრუქტორი ჩამოშორდა, იარაღი საკუთარ თავს მიუშვირა და გაისროლა.

დაშავებული მძიმე მდგომარეობაში საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.

მიმდინარეობს გამოძიება რათა დადგინდეს ჰქონდა თუ არა ქალს იარაღის გამოყენების კანონიერი უფლება.