ხალკიდა: მან თავი ექიმად წარუდგინა და ქალს 20 000 ევრო გამოსძალა
თაღლითობის მსხვერპლი გახდა 78 წლის ქალი ხალკიდაში, რომელიც დაარწმუნეს, რომ მისი ქალიშვილი სერიოზული ავტოსაგზაო შემთხვევის მსხვერპლი გახდა და გადაუდებელი ოპერაციისთვის 20 000 ევრო უნდა გადაეხადა.
ინფორმაციის თანახმად, შემთხვევა სამშაბათს, დილის 10: 30 საათზე მოხდა, როდესაც 78 წლის ქალს დაურეკმა მამაკაცმა, რომელმაც თავი ხალკიდას საავადმყოფოს ექიმად წარუდგინა და აცნობა, რომ მისმა ქალიშვილმა ავტოსაგზაო შემთხვევის შედეგად სერიოზული დაზიანებები მიიღო და უნდა ჩაუტარდეს გადაუდებელი ოპერაცია.
ამასთანავე “ექიმმა” ქალს უთხრა, რომ ოპერაცია საკმაოდ ძვირი ჯდებოდა და მას 20 000 ევროს გადახდა მოუწევდა.
შოკში ჩავარდნილმა ქალმა თანხა მითითებულ ანგარიშზე დაუყოვნებლივ გადარიცხა, თუმცა სახლში დაბრუნებულმა აღმოაჩინა, რომ მისი შვილი სრულიად ჯანმრთელი იყო არავითარ ავტოსაგზაო შემთხვევას არ ჰქონია ადგილი.
მან მიმართა პოლიციას და უცნობ პირთა წინააღმდეგ სარჩელი შეიტანა.
