ხანია: 75 წლის ქალის გარდაცვალების გარემოებების დასადგენად გამოძიება დაიწყო
ხანია: 75 წლის ქალის გარდაცვალების გარემოებების დასადგენად გამოძიება დაიწყო
კუნძულ კრეტაზე, ხანიაში 75 წლის ემილია ღეორღალაკის გარდაცვალების გარემოებები ამ დრომდე უცნობია სამართალდამცავი ორგანოებისთვის. ხანდაზმული ქალი გაუჩინარებიდან რამდენიმე დღეში ნეროკურუს რაიონში, სასოფლო-სამეურნეო ტერიტორიაზე გარდაცვლილი იპოვეს.
ადგილობრივი მედიის მიერ გავრცელებული ინფორმაციის თანახმად, გაუჩინარების ოფიციალურად გამოცხადებამდე ქალი პოლიციის თანამშრომლებმა ქუჩაში შენიშნეს. ქალი მარტო სეირნობდა. პოლიციის თანამშრომლებმა საპატრულო მანქანით ის განყოფილებაში გადაიყვანეს, რათა მისი ვინაობა დაედგინათ და გაერკვიათ, სჭირდებოდა თუ არა დახმარება. თუმცა, ქალის იდენტიფიცირება ვერ მოხერხდა.
75 წლის ქალმა განყოფილება ისე დატოვა, რომ მისი შენობიდან გასვლა არავის დაუფიქსირებია.
განყოფილებაში ქალის ოფიციალურად გაუჩინარების შესახებ განცხადება 23 ივლისს შევიდა. განაცხადი ემილია ღეორღალაკის ქალიშვილმა შეიტანა.
ქალის ცხედარი 3 აგვისტოს შემთხვევით გამვლელმა აღმოაჩინა. პირველადი სასამართლო-სამედიცინო შეფასებით დადგინდა, რომ ქალი ჯანმრთელობის მდგომარეობის დამძიმების შედეგად გარდაიცვალა, მას სხეულზე ძალადობის კვალი არ ეტყობა, შესაბამისად პოლიციაც გამორიცხავს კრიმინალურ ქმედებას. გარდაცვალების ზუსტი მიზეზი ექსპერტიზის საბოლოო დასკვნის გამოქვეყნების შედეგად გახდება ცნობილი.
გამოძიება მიმდინარეობს იმის დასადგენადაც თუ რა დროს დატოვა ქალმა ხანიას პოლიციის შენობა და რატომ ვერ მოხერხდა მისი დროულად იდენტიფიცირება.
