ხანძარი მაგნისიაში: მიმდინარეობს მოსახლეობის ევაკუაცია, ისინი ჩვილებით ხელში ტოვებენ ტერიტორიას

დრამატულ მომენტებს გადიან ნეა ანხიალოსის მაცხოვრებლები, რომლებიც იძულებულნი გახდნენ დაეტოვებინათ ტერიტორია 112-ის ზარის შემდეგ და გაემართნენ ალმიროსისა და ქალაქ ვოლოსისკენ.

როგორც ადგილობრივი მედია იტყობინება, ხალხმა ჯგუფურად დატოვა ნეა ანხიალოსი და მიმდებარე ტერიტორიები და  გაემართნენ ალმიროსისკენ, ხოლო ბევრი ტერიტორიას ზღვით ტოვებს.

ამაღელვებელია დედების ფოტოები, რომლებსაც ხელში უჭირავთ ჩვილები და ჩადიან კერძო ნავებზე, სხვებს კი თავიანთი შინაური ცხოველები ხელში აყვანილი მიჰყავთ.

პოლიცია ფაქტიურად კარდაკარ დადის და მოქალაქეებს ტერიტორიის დატოვებისკენ მოუწოდებს.

ხანძარი მაგნისიაში უკონტროლოა. დღეს, 18 საათამდე ცოტა ხნით ადრე, აფეთქებები მოხდა საჰაერო ძალების 111-ე მოიერიშე ფრთის საბრძოლო მასალის საწყობებში.

საჰაერო ძალების 111-ე გამანადგურებელ ფრთაში არის  საწვავის მიწისზედა და მიწისქვეშა ავზები, ხოლო აფეთქებები ისმოდა, თვითმხილველების თქმით, ვოლოსამდე.

ეს საწყობები განლაგებულია 111th Fighter Wing-ის აეროდრომიდან ჩრდილოეთით 4 მილში, ნეა ანხიალოსში.

ცეცხლის მიახლოებისთანავე საჰაერო ძალებს დაევალათ ობიექტების ევაკუაცია. საჰაერო შტაბის ოფიციალურმა პირებმა განაცხადეს, რომ კონკრეტულ საბრძოლო ობიექტზე მომსახურე პერსონალი დროულად იქნა ევაკუირებული.

შეიარაღებული ძალების საბრძოლო საცავებში აფეთქებები კი ბევრ კითხვას ბადებს, რადგან, როგორც ცნობილია, საბრძოლო მასალების საცავი ნატოს სტანდარტებით არის აგებული, რათა საბრძოლო მასალა დაცული იყოს გარე საფრთხისგან.

გავრცელებული ცნობით ამავე რაიონში არის ბენზინგასამართი სადგურებიც.