ხანძარი საბერძნეთში: სახანძრო ბრიგადა მთელი ღამის განმავლობაში ებრძოდა ცეცხლს დერვენოხორიაში

წუხანდელი ღამე კოშმარული იყო მეხანძრეებისთვის, რადგან 15 კილომეტრის რადიუსში მიმდინარე ხანძარსაწინააღმდეგო ოპერაციამ ვერ შეაჩერა ტყეში გავრცელებული ცეცხლი და იწვის ძალიან რთულად მისადგომი ადგილი, სადამდეც მეხანძრეები ვერ აღწევენ.

დერვენოხორიაში ხანძარი  აქტიურად ვრცელდება და ფაქტიურად ათასობით ჰექტარი ტყე ფერფლად არის ქცეული, ხოლო ცეცხლის ხაზი მაგულასკენ მიემართება. მეხანძრეების თქმით, ჯერჯერობით ეს ყველაზე რთული სახანძრო მონაკვეთია.

112-მა გამაფრთხილებელი სიგნალი ისევ გაგზავნა ბევრ რაიონში.

შემთხვევის ადგილზე იმყოფებიან მეხანძრეები იანინადან, ლამიიდან და ჩრდილოეთ საბერძნეთის სხვა რეგიონებიდან.

გათენებისთანავე, დილის 06:06 საათზე, საჰაერო ხომალდებმა ცეცხლის კერებზე  წყლის დასხმა განაახლეს.

ტერიტორიის მაცხოვრებლები ხანძრის შესახებ საუბრისას ამბობენ, რომ აღნიშნელ ადგილზე არ იყო ელექტროგადამცემი ბოძი ან  რაიმე ისეთი, რაც ხანძრის გაჩენას გამოიწვევდა. გადაწყვეტილებას სახანძრო-სამაშველო სამსახური გამოძიების დასრულების შემდეგ მიიღებს