ხელბორკილები ავტობუსის მძღოლს

ხელბორკილები ავტობუსის მძღოლს

ანო ლიოსია: პოლიციამ ავტობუსის მძღოლს მგზავრი ქალის  გაუპატიურების მცდელობისთვის ხელბორკილები დაადო.

ანო ლიოსიაში პოლიციამ ავტობუსის მძღოლი დააკავა, რომელმაც 53 წლის ქალის გაუპატიურება სცადა.

შემთხვევა ავტობუსების სადგომ დეპოში მოხდა: ბრალდებულმა მძღოლმა მგზავრი ქალბატონი ჯერ სცემა, შემდეგ კი, მის გაუპატიურებას შეეცადა.

protothema.gr-ის ინფორმაციით, ყველაფერი ადგილობრივ ავტობუსების ტერმინალში მოხდა.

ავტობუსის კარები დახურული აღმოჩნდა, როდესაც ბრალდებული მძღოლი მგზავრ ქალბატონს ფიზიკურად გაუსწორდა და შემდეგ კი, გაუპატიურება დაუპირა მას.  ქალი მძღოლს შეეწინააღმდეგა და შველას ითხოვდა.

 

თავდასხმის შემდეგ მამაკაცმა 53 წლის ქალი ავტობუსის გაჩერებასთან დატოვა და გზა განაგრძო.

დაზარალებულმა პოლიციას მიმართა და სულ მალე, დანაშაულში ეჭვმიტანილი მძროლი დააკავეს.

შემთხვევის ადგილიდან ქალის ტანსაცმელი იქნა ამოღებული, ხოლო ბრალდებულის ბიოლოგიური მასალა ანალიზისთვის ექსპერტიზას გადაეცა.