10 წლით თავისუფლების აღკვეთა მიესაჯა 26 წლის ბიჭს, რომელმაც 14 წლის გოგონას გაუპატიურება სცადა
10 წლით თავისუფლების აღკვეთა მიესაჯა 26 წლის ბიჭს, რომელმაც 14 წლის გოგონას გაუპატიურება სცადა
2023 წლის 6 ოქტომბერს როდესაც 14 წლის გოგონა სახლში ბრუნდებოდა 26 წლის ბიჭმა ლარისადან მისი გაუპატიურება სცადა. გოგონამ ყვირილი დაიწყო და წინააღმდეგობის გაწევა სცადა, რის შედეგადაც მიწაზე დაეცა. მოძალადემ გოგონას პირზე ხელი ააფარა, ტელეფონი წაართვა და შორს მოისროლა, რომ გოგონას დახმარებისთვის ვინმესთვის არ დაერეკა. მოძალადე გოგონას ურტყამდა და სთხოვდა რომ შარვალი გაეხადა, რათა შეძლებოდა მასთან სექსუალური კავშირის დამყარება, თუმცა გოგონამ სიმშვიდე შეინარჩუნა და როგორც შეეძლო გაუწია წინააღმდეგობა. სწორედ ამ დროს იმავე ტერიტორიაზე მანქანით მიმავალმა წყვილმა შენიშნა, თუ როგორ ცდილობდა გოგონა გზაზე გამოღწევას და სწორედ მათ შეძლეს გოგონას გადარჩენა.
მოძალადე გუშინდელ დღემდე დროებითი დაკავების საკანში იმყოფებოდა, ხოლო გუშინ კი სასამართლომ მას 10 წლით თავისუფლების აღკვეთა მიუსაჯა.
ბრალდებული მთელი სასამართლო პროცესის განმავლობაში ტიროდა და აცხადებდა: “არ ვიცი რა მოხდა, ან რა დამემართა.. ნასვამი ვიყავი..”
ბრალდებულის ადვოკატმა სასამართლო პროცესზე ბიჭის რთული ოჯახური მდგომარეობის შესახებ ისაუბრა, რომელიც მამამ მიატოვა და რის შედეგადაც იძულებული გახდა ადრეულ ასაკში დაეწყო მუშაობა, რათა დედაზე და მის პატარა დაზე ეზრუნა.
