13 წლის ბიჭი 11 წლის გოგონას სკუტერით დაეჯახა და ადგილიდან მიიმალა

13 წლის ბიჭი 11 წლის გოგონას სკუტერით დაეჯახა და ადგილიდან მიიმალა

პოლიციამ 13 წლის არასრულწლოვანი მის მშობლებთან ერთად დააკავა სალონიკში.

არასრულწლოვანის დაკავების მიზეზი მისი არაკანონიერი ქმედება გახდა, როდესაც 11 წლის ფეხითმოსიარულე გოგონას ელ.სკუტერით დაეჯახა და იმის ნაცვლად, რომ დახმარება აღმოეჩინა დაშავებულისთვის ან სასწრაფო დახმარების ბრიგადა გამოეძახებინა, ადგილიდან მიიმალა.

უბედური შემთხვევა შაბათს, 24 მაისს, ღამის 20:30 საათზე მოხდა. 

დაშავებული გოგონა სასწრაფო დახმარების ბრიგადამ საავადმყოფოში გადაიყვანა, სადაც დადგინდა, რომ მარცხენა ფეხის არეში მიყენებული აქვს დაცემის შედეგად ტრავმა. ექიმები აცხადებენ, რომ მის სიცოცხლეს საფრთხე არ ემუქრება. 

არასრულწლოვანი საწყის ეტაპზე მშობლებთან ერთად განყოფილებაში გადაიყვანეს, თუმცა დაკითხვის შემდეგ პროკურორის ბრძანების საფუძველზე გაათავისუფლეს.