Latest news
ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს 17 ნოემბრის მნიშვნელობა სრულიად საბერძნეთისთვის ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს...
სამშაბათი, ნოემბერი 17, 2026
საბერძნეთისაზოგადოება

17 ნოემბრის მნიშვნელობა სრულიად საბერძნეთისთვის

17 ნოემბრის მნიშვნელობა სრულიად საბერძნეთისთვის

პოლიტექნიკური უნივერსიტეტის აჯანყება იყო სამხედრო დიქტატურის წინააღმდეგ საყოველთაო წინააღმდეგობის გამოხატვა, რომელიც ათენში 1973 წლის 14 ნოემბერს სტუდენტების ინიციატივით დაიწყო და 17 ნოემბერს სისხლიანი შედეგით დასრულდა.

სტუდენტებმა 1973 წლის 14 ნოემბერს უარი განაცხადეს დასწრებოდნენ ლექციებს და მოახდინეს პოლიტექნიკური უნივერსიტეტის “ოკუპირება”. აღნიშნული სტუდენტური საპროტესო ქმედება იმჟამინდელი დიქტატორული რეჟიმის წინააღმდეგ კი საყოველთაო საპროტესტო აქციაში გადაიზარდა, რომელსაც საბერძნეთის რიგითი მოქალაქეებიც შეუერთდნენ. აჯანყების ჩასახშობად სახელმწიფომ სამხედრო ძალები და ტანკები გამოიყენა. სამხედრო ძალების უმოწყალო ქმედებამ რამდენიმე სტუდენტის სიცოცხლე ემსხვერპლა. ეროვნული კვლევის ფონდის დირექტორის, ლეონიდას კალივერეტაკისის მიერ ჩატარებული კვლევის თანახმად, 2003 წელს დასახელებული დაღუპულთა რიცხვი იყო 24. 2009 წელს კი უკვე ოფიციალურად გამოქვეყნდა აჯანყების პროცესში გარდაცვლილი 24 ადამიანის სია.

სტუდენტები და საბერძნეთის მოქალაქეები იბრძოდნენ დემოკრატიის აღდგენისთვის. 1973 წლის აჯანყება იყო ყველაზე მასშტაბური აქტი ქვეყანაში შვიდწლიანი გაბატონებული დიქტატურის წინააღმდეგ. 

იმ საბედისწერო დღის შემდეგ, რომელმაც უამარავი ახალგაზრდის სიცოცხლე იმსხვერპლა, თუმცა ამავდროულად საძირკველი გამოუთხარა დემოკრატიის სამშობლოში უსამართლოდ გაბატონებულ სამხედრო დიქტატურას, ყოველ 17 ნოემბერს საბერძნეთის მოქალაქეები ათენის პოლიტექნიკურ უნივერსიტეტში იკრიბებიან, რათა სამხედრო დიქტატურის წინააღმდეგ სისხლიანი სტუდენტური აჯანყების წლისთავი აღნიშნონ.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *