Latest news
მასშტაბური ღონისძიებები პოლიტექნიკურ უნივერსიტეტში ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს 17 ნოემბრის მნიშვნელობა სრულიად საბერძნეთისთვის ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი...
სამშაბათი, ნოემბერი 17, 2026
საბერძნეთიემიგრაცია

ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს

ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს

ევროკავშირის ხუთი წევრი სახელმწიფო: ავსტრია, გერმანია, დანია, საბერძნეთი და ნიდერლანდები რუანდასთან ერთად მიგრანტთა დაბრუნების ცენტრის (Return Hub) შექმნის შესაძლებლობას განიხილავს. ინიციატივის შესახებ ერთობლივი განცხადება ვენაში გაკეთდა, რომელსაც საბერძნეთის ემიგრაციისა და თავშესაფრის მინისტრი თანოს პლევრისი დაესწრო.

შეხვედრაში მონაწილეობდნენ ავსტრიის კანცლერი კრისტიან შტოკერი, დანიის პრემიერ-მინისტრი მეტე ფრედერიქსენი, გერმანიის შინაგან საქმეთა მინისტრი ალექსანდერ დობრინდტი, ნიდერლანდების საგარეო საქმეთა მინისტრი ტომ ბერენდსენი და რუანდის საგარეო საქმეთა მინისტრი ვინსენტ ბირუტა.

ინიციატივის მიზანია რუანდასა და ხუთ ევროპულ სახელმწიფოს შორის შეთანხმების მიღწევა და 2027 წლამდე მიგრანტთა პირველი გადაყვანის განხორციელება. პროექტი ითვალისწინებს დაბრუნების ცენტრის შექმნას, რომელიც ხელს შეუწყობს იმ პირების დაბრუნებას, რომლებიც ევროკავშირის აღნიშნულ ქვეყნებში არალეგალურად იმყოფებიან და რომელთა მიმართაც დაბრუნების აღსრულებადი გადაწყვეტილებაა მიღებული.

პროექტი შეეხება მხოლოდ მესამე ქვეყნების მოქალაქეებს, რომლებსაც არ აქვთ საერთაშორისო დაცვის საჭიროება ან სხვა სამართლებრივი საფუძველი მასპინძელ ქვეყანაში დარჩენისთვის. მათ შესაძლებლობა ექნებათ, ინტეგრირდნენ რუანდის საზოგადოებაში ან ნებაყოფლობით დაბრუნდნენ წარმოშობის ქვეყანაში, ასევე ნებისმიერ სხვა სახელმწიფოში, სადაც კანონიერად შესვლისა და ცხოვრების უფლება აქვთ. აღნიშნულ პროცესში მათ მხარდაჭერას გაუწევენ რუანდა და საერთაშორისო ორგანიზაციები.

ინიციატივის განხორციელება იგეგმება ევროკავშირის, საერთაშორისო და რუანდის კანონმდებლობის, მათ შორის ადამიანის უფლებათა საერთაშორისო სამართლის სრული დაცვით. პროცესში დამკვირვებლის სტატუსით მონაწილეობს ევროკომისია, ხოლო ტექნიკურ და საკონსულტაციო დახმარებას უზრუნველყოფენ ემიგრაციის საერთაშორისო ორგანიზაცია (IOM) და გაეროს ლტოლვილთა უმაღლესი კომისარიატი (UNHCR).

საბერძნეთის ემიგრაციისა და თავშესაფრის მინისტრმა თანოს პლევრისმა განაცხადა, რომ არალეგალურ მიგრაციასთან ბრძოლა და ადამიანთა უკანონო გადაყვანის ქსელების დაშლა მთავრობის ერთ-ერთი მთავარი პრიორიტეტია. მისი თქმით, დაბრუნების ცენტრების შექმნა ხელს შეუწყობს არალეგალური მიგრაციული ნაკადების შემცირებას და დაბრუნების მაჩვენებლის ზრდას.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *