9 აპრილს მეტროსადგურები სინდაგმა და პანეპისტიმიო დაიკეტება
9 აპრილს მეტროსადგურები სინდაგმა და პანეპისტიმიო დაიკეტება
9 აპრილს, საჯარო მოხელეთა 24 საათიან გაფიცვასთან დაკავშირებით დაიკეტება მეტროსადგურები სინდაგმა და პანეპისტიმიო.
აღნიშნული მეტროსადგურები დაიკეტება დედაქალაქის ცენტრში გამართული საპროტესტო მსვლელობის გამო.
მეტრო 10:00 საათიდან 17:00 საათამდე თუმცა სინდაგმისა და პანეპისტიმიოს მეტროსადგურებს მატარებლები გაუჩერებლად გაივლიან, ხოლო ავტობუსები 09:00 საათიდან 21:00 საათამდე იმოძრავებენ.
გაფიცვის გადაწყვეტილება საჯარო მოხელეთა აღმასრულებელმა საბჭომ 17 მარტის სხდომაზე მიიღო.
გაფიცვის მთავარი მოთხოვნა მე-13 და მე-14 ხელფასების დაბრუნებაა საჯარო მოხელეებისთვის და ხელფასების ლოგიკური მატება.
გაფიცვას შეუერთდება საბერძნეთის საზღვაო ფედერაციაც, შესაბამისად ამ დღეს გემები პორტებში უძრავ მდგომარეობაში დარჩებიან 24 საათით.
კერძო სექტორში დასაქმებულთა უფლებათა დამცველი ორგანიზაციის წარმომადგენლების საპროტესტო მსვლელობა კლავთმონოს მოედნიდან 11:00 საათზე დაიწყება, ხოლო საჯარო მოხელეთა მსვლელობა კი სინდაგმის მოედნიდან 10:30 საათზე.
