9 აპრილს 24 საათიან საჯარო მოხელეების გაფიცვას საზღვაო ფედერაციაც უერთდება
9 აპრილს 24 საათიან საჯარო მოხელეების გაფიცვას საზღვაო ფედერაციაც უერთდება
ოთხშაბათს, 9 აპრილს 24 საათით გაიფიცებიან საჯარო მოხელეები.
გაფიცვის გადაწყვეტილება საჯარო მოხელეთა აღმასრულებელმა საბჭომ 17 მარტის სხდომაზე მიიღო.
გაფიცვის მთავარი მოთხოვნა მე-13 და მე-14 ხელფასების დაბრუნებაა საჯარო მოხელეებისთვის და ხელფასების ლოგიკური მატება.
გაფიცვას შეუერთდება საბერძნეთის საზღვაო ფედერაციაც, შესაბამისად ამ დღეს გემები პორტებში უძრავ მდგომარეობაში დარჩებიან 24 საათით.
ჯერ-ჯერობით უცნობია საზოგადოებრივი ტრანსპორტის მოძრაობის განრიგი და გზებზე რეგულაციების პროგრამა. საზოგადოებრივი ტრანსპორტი ყოველთვის იღებს მსგავს გაფიცვაში მონაწილეობას, თუმცა არა სრული გაფიცვის სახით, რათა ხელი შეეწყოს მოსახლეობის შეუფერხებელ გადაადგილებას დემონსტრაციების წერტილების მიმართულებით.
გაფიცვის თარიღის მოახლოვებასთან ერთად დედაქალაქის მოსახლეობას მიეწოდება შესაბამისი ინფორმაცია საზოგადოებრივი ტრანსპორტის გადაადგილებასთან დაკავშირებით.
