პრემიერ-მინისტრი კირიაკოს მიცოტაკისი ოფიციალური ვიზიტით ჩინეთში იმყოფება

საბერძნეთის პრემიერ-მინისტრი კირიაკოს მიცოტაკისი ოფიციალური ვიზიტით ჩინეთში იმყოფება, რომლის ფარგლებშიც შეხვედრებს გამართავს ჩინეთის ხელისუფლებასთან.

მანამდე მან პეკინში აკრძალული ქალაქი მოინახულა და დაათვალიერა.

აკრძალული ქალაქი ან აკრძალული სასახლე  მდებარეობს პეკინის ცენტრში და მინის და ქინის დინასტიების დროს იმპერიული სასახლის დანიშნულებას ასრულებდა. ამჟამად სასახლე მუზეუმად არის ცნობილი და იუნესკოს მიერ შეფასებულია როგორც მსოფლიოში შემონახული უდიდესი და უძველესი ხის ნაკეთობათა კოლექცია, ის 1987 წლიდან მსოფლიოს კულტურული მემკვიდრეობის სიაშია შეტანილი.

ოფიციალური ვიზიტი წინასწარ იყო დაგეგმილი და გადადებას არ ითვალისწინებდა, ამიტომ რადგან  რეგიონში განვითარებული მოვლენები პრემიერს ქვეყნის გარეთ დიდი ხნით დარჩენის საშუალებას არ აძლევს, ვიზიტი მხოლოდ 24-საათიანი პერიოდით შემოიფარგლება,  როგორც ამას მისი კოლეგები აღნიშნავენ.