ამინდი: წვიმებისა და შტორმის ახალი ტალღა ორშაბათიდან

ეროვნული მეტეოროლოგიური სამსახურის მიერ გამოცემული ამინდის უახლესი პროგნოზის მიხედვით მოსალოდნელია ძლიერი წვიმებისა და შტორმის ახალი რაუნდი, რომელიც დაიწყება დღეს, კვირა საღამოს და გაგრძელდება ორშაბათის ჩათვლით.

უფრო დეტალურად, უამინდობის  ახალი ტალღა მოდის ჩრდილო-დასავლეთიდან ძლიერი წვიმებით და შტორმებით, ის თავდაპირველად გავლენას მოახდენს დასავლეთ საბერძნეთზე და თანდათანობით ორშაბათს აღმოსავლეთ მაკედონიაზე, თრაკიასა და აღმოსავლეთ ეგეოსზე.

დღეს, საღამოს საათებიდან ორშაბათის დილის საათებამდე წვიმა და შტორმია მოსალოდნელი ჩრდილოეთ იონიაში და ეპიროსზე.  ორშაბათს დილიდან შუადღემდე დასავლეთ სტერეაში, დასავლეთ და სამხრეთ პელოპონესზე, კითირაზე და შესაძლოა დასავლეთ კრეტაზე.

ორშაბათის დილის საათებიდან შუადღემდე თრაკიაში და შესაძლოა დროებით აღმოსავლეთ მაკედონიაში. ასევე ჩრდილოეთ და აღმოსავლეთ ეგეოსის კუნძულებზე და შესაძლოა დროებით ციკლადებზე.

ორშაბათის შუადღიდან გვიან ღამემდე დოდეკანისზე.

ამინდის ზოგადი პროგნოზი დღეს, კვირას:

აღმოსავლეთ ეგეოსისა და დოდეკანისის კუნძულებზე მოსალოდნელია ადგილობრივი წვიმა, ხოლო რეგიონებში სპორადული შტორმი, რომელიც დილის საათებში ადგილ-ადგილ ძლიერი იქნება. დანარჩენ რაიონებში დასავლეთში, ციკლადებსა და კრეტაზე ადგილობრივი წვიმები იქნება. საღამოს საათებიდან ჩრდილოეთ იონის ზღვაზე და ეპიროსში მოსალოდნელია ძლიერი შტორმი, დასავლეთში კი წვიმა გაძლიერდება და ჩრდილოეთისკენ გავრცელდება.

ტემპერატურა ოდნავ დაიკლებს და 20-22 გრადუსს მიაღწევს. ცენტრალურ და სამხრეთ მატერიკზე 23 გრადუსს, სამხრეთ-აღმოსავლეთ კუნძულებზე კი  25 გრადუს ცელსიუსს.

დასავლეთ მაკედონიაში და დანარჩენ რეგიონებში ნელ-ნელა დაიწყება ადგილობრივი წვიმა შუადღიდან დასავლეთ მაკედონიაში, საღამოს საათებიდან კი თანდათანობით დანარჩენ რეგიონებში.

ტემპერატურა: 08-დან 20 გრადუს ცელსიუსამდე. დასავლეთ მაკედონიაში 4-დან 5 გრადუსამდე შემცირდება.

იონიის კუნძულებზე, ეპიროსში, დასავლეთ სტერეაში, დასავლეთ პელოპონისზე დროებითი მოღრუბლულობა მცირე ადგილობრივი წვიმით. საღამოს საათებიდან ჩრდილოეთ იონიასა და ეპირუსში ძლიერი შტორმი იქნება, დანარჩენ რაიონებში კი წვიმა გაძლიერდება.

ტემპერატურა: 13-დან 23 გრადუსამდე. ეპირუსის შიდა ნაწილში 5-დან 6 გრადუსამდე  დაიწევს.

აღმოსავლეთ სტერეაში, ევიაში, აღმოსავლეთ პელოპონისზე  ზოგადად მზიანი ამინდია, საღამოს საათებში თანდათანობით მოიმატებს ღრუბლები. ტემპერატურა: 11-დან 23 გრადუსამდე.

ციკლადებზე, კრეტაზე დროებითი მოღრუბლულობა, მცირე ადგილობრივი წვიმით.

ტემპერატურა: 16-დან 24-მდე და კრეტაზე 25 გრადუს ცელსიუსამდე.

ატიკის რეგიონში ზოგადად მზიანი ამინდია, დროებითი მოღრუბლულობით. ტემპერატურა: 12-დან 22 გრადუსამდე.

თესალონიკში მოსალოდნელია მოღრუბლულობა, რომელიც თანდათან მოიმატებს, საღამოს საათებში კი ადგილობრივი წვიმა.

ტემპერატურა: 09-დან 19 გრადუსამდე.