საზაფხულო ამინდმა ხალხს სანაპიროებზე გასვლისკენ უბიძგა
საზაფხულო ამინდმა ხალხს სანაპიროებზე გასვლისკენ უბიძგა
საბერძნეთის შთამბეჭდავ სანაპიროებზე დღის გასატარებლად არაჩვეულებრივი ამინდია შაბათს, 24 მაისს. სინოპტიკოსების განცხადების თანახმად დღეს ტემპერატურა 31 გრადუსსაც კი მიაღწევს. სწორედ ამიტომ დილიდან ათენის სანაპიროებზე ხალხის დიდი რაოდენობა შეინიშნება.
სანაპიროები გადავსებულია არამხოლოდ ტურისტებით, არამედ ადგილობრივი მოსახლეობითაც.
ტემპერატურა სრულიად საბერძნეთის მასშტაბით მაღალი იქნება.
დასავლეთ მაკედონიაში 11-24 გრადუსამდე იმერყევებს, თრაკისა და მაკედონიის დანარჩენ ნაწილში კი 12-29 გრადუსამდე. იონიის ზღვის კუნძულებზე 14-27 გრადუსი, ხოლო თესალიასა და საბერძნეთის დანარჩენ ნაწილში კი 16-დან 32 გრადუსამდე. განსაკუთრებით მაღალ მაჩვენებელს მიაღწევს ბარომეტრი კუნძულ კრეტაზე, სადაც ადგილობრივად 38 გრადუსიც კი დაფიქსირდება.
