რომის პაპი ფრანცისკე: მეტი ჰუმანიტარული დახმარება გაუგზავნოთ ღაზას

დღეს კვირას, შუადღისას, რომის პაპი ფრანცისკე წმინდა პეტრეს მოედანზე მორწმუნეებთან საუბრისას კვლავ შეეხო ახლო აღმოსავლეთში მიმდინარე  დრამატულ მოვლენებს.

უფრო დეტალურად, პონტიფიკმა ხაზგასმით აღნიშნა: „მე გამუდმებით ვფიქრობ ისრაელსა და პალესტინაში არსებულ ძალიან სერიოზულ ვითარებაზე. მე ვდგავარ ყველას გვერდით, ვინც იტანჯება, როგორც პალესტინელების, ასევე  ისრაელის. ამ ბნელ დროს მე გულში ვიკრავ მათ და ვლოცულობ ამ ხალხისთვის. დაე, იარაღი დადუმდეს. ისინი არასოდეს მოიტანენ მშვიდობას და კონფლიქტი არ შეჩერდება. კმარა ძმებო!

საჭიროა ღაზაში სასწრაფო დახმარება გავუწიოთ დაჭრილებს, დავიცვათ მშვიდობიანი მოსახლეობა, გავუგზავნოთ აშკარად მეტი ჰუმანიტარული დახმარება ამ დაქანცულ მოსახლეობას.

გაათავისუფლონ მძევლები, რომელთა შორის ამდენი ქალი და ბავშვია. ყოველი ადამიანი, ქრისტიანი, ებრაელი, მუსლიმი, ყოველი ხალხიდან თუ რელიგიიდან, ყოველი ადამიანი, ღვთის თვალში წმინდა და ძვირფასია. მათ აქვთ უფლება იცხოვრონ მშვიდად. იმედი არ დავკარგოთ. ვილოცოთ და ვიმუშაოთ დაუღალავად, რათა ადამიანურობის გრძნობამ სძლიოს გულთა ტკივილს.”