კრეტა: სასიკვდილო ავტოსაგზაო შემთხვევა ირაკლიონში – დაიღუპა 50 წლის მრავალშვილიანი დედა

ირაკლიოში, მოირას რაიონში მომხდარი ავტოსაგზაო შემთხვევის შედეგად 50 წლის ქალი გარდაიცვალა. სასოფლო-სამეურნეო მანქანა, რომელსაც ის მართავდა, გზის სავალი ნაწილიდან გადავიდა და ამობრუნდა.

გავრცელებული ინფორმაციით, ავტოსაგზაო შემთხვევა, რომელსაც 50 წლის მრავალშვილიანი ქალი ემსხვერპლა, დილის ცხრა საათზე, მოირას რაიონში, უფრო კონკრეტულად სოფლებს, მორონსა და ზაროსს შორის გზაზე მოხდა.

უცნობია, თუ რა გახდა ავარიის მიზეზი. ავტომანქანის ამობრუნების შემდეგ ქალს თავის არეში მძიმე დაზიანებები ჰქონდა მიღებული.

შემთხვევის ადგილზე მობილიზებული იქნა სახანძრო ბრიგადა და სასწრაფო დახმარების მანქანა, რომლებმაც დაშავებული ქალი მოირას ჯანმრთელობის ცენტრში გადაიყვანეს, სადაც მისი გარდაცვალება დადგინდა. ავარიის გამომწვევ მიზეზებს იძიებენ.