მსახიობი კატია ნიკოლაიდუ საზოგადოებამ უკანასკნელ გზაზე გააცილა
პალეო ფალიროს სასაფლაოზე ახლობლები, მეგობრები და კოლეგები დაემშვიდობნენ მსახიობ კატია ნიკოლაიდუს, რომელიც კიბოსთან ხანგრძლივი ბრძოლის შემდეგ 8 ნოემბერს, 58 წლის ასაკში გარდაიცვალა. ბოლო დროს ის საავადმყოფოში იყო მოათავსებული, რადგან სიმსივნე “დაბრუნდა”.
დილის 10:00 საათიდან პალეო ფალიროს სასაფლაოზე კატია ნიკოლაიდუს დედა და ძმა მივიდნენ. მსახიობის დედას ეკლესიაში მისვლისთანავე გული წაუვიდა და ნათესავებსა და მეგობრებს მკლავებში ჩაუვარდა, ცერემონიის დასრულებისას კი ეკლესია მათი დახმარებით დატოვა. მსახიობის ძმა იყო ერთ-ერთი ვინც კუბოს ატარებდა. გულშემატკივრებმა მსახიობი ბოლო გზაზე ტაშით გააცილეს.
ოჯახმა გვირგვინების ნაცვლად, კლუბ “იმედში” ფულის ჩარიცხვა მოითხოვა.
სპიროს ბიბილასი, სოფია ვოგიაძაკი, პროდრომოს ტოსუნიდისი, გერასიმოს სკიადარესისი, ბესი მალფა, თოდორის კაცფადოსი, დიმიტრის სტრეპკოსი, ანდრეას კონსტანტინიდისი, დიმიტრი არვანიტისი არიან ისინი, ვინც გარდაცვლილი მსახიობის დაკრძალვას დაესწრო.
ფოტოები:
