41 მიგრანტის უკანონო გადაყვანისთვის სამი პირი დააკავეს-მათ ტრანსპორტირებაში თითოეულმა 5000 ევრო გადაიხადა
საპორტო დაცვის სამსახურმა ვრავრონაში, ხამოლიას სანაპიროზე ორი უცხოელი დააკავა, რომლებიც იახტით 41 უკანონო მიგრანტის სამგზავრო დოკუმენტების გარეშე, ორგანიზებულ გადაყვანას ახორციელებდნენ.
საბერძნეთის სანაპირო დაცვის სამსახურის ცნობით, ესენი არიან ორი 47 და 20 წლის ეგვიპტელი, რომლებიც დააკავეს კუნძულ კოსთან იახტაზე.
უსაფრთხოების სამსახურმა ათენში დააკავა ასევე 37 წლის სირიის მოქალაქე, როგორც ტრეფიკინგის დანაშაულებრივი რგოლისა და მესამე ქვეყნის მოქალაქეების საბერძნეთის ტერიტორიაზე უკანონო გადაყვანის ორგანიზატორი.
როგორც სანაპირო დაცვის დღევანდელ განცხადებაშია ნათქვამი, იახტა თურქეთის ქალაქ ჩეშმედან აღმოსავლეთ ატიკის სანაპიროებისკენ მიემართებოდა.
თავად ემიგრანტების ჩვენებით მათი გადაყვანისთვის თითოეულმა 5 ათასი ევრო გადაიხადა.
ათენში დააკავებული 37 წლის სირიელის სახლში ჩატარებული ჩხრეკისას, რომელიც, როგორც ვარაუდობენ, იყო 41 ემიგრანტის ქვეყანაში არალეგალურად შეყვანის ორგანიზატორი, იპოვეს და ამოიღეს ხელნაწერი რვეულები და დღიურები. ასევე ორი მობილური ტელეფონი. გავრცელებული ინფორმაციით, დაკავებული ასევე ამუშავებდა მაღაზიას ლიოსონზე და მისი მეშვეობით ახორციელებდა მიგრანტების თურქეთიდან საბერძნეთის გავლით ევროპაში გადაყვანის ბიზნესს.
