საბერძნეთში ქალებზე ძალადობას ბოლო არ უჩანს
საბერძნეთში ქალებზე ძალადობას ბოლო არ უჩანს
საბერძნეთში ქალებზე ძალადობას ბოლო არ უჩანს. სამწუხაროდ, ძალადობის მსხვერპლთა უსასრულო სიას ამჯერად, ცნობილი მოდელი – მიკაელა ფოტიადისი შეემატა.
მიქაელა ფოტიადისი: მოდელმა მიღებული ტრამვებით დასისხლიანებული, საკუთარი ფოტოები გამოაქვეყნა.
როგორც ჩანს, GNTM-ის ყოფილმა მონაწილემ იცის, თუ ვინ დგას მის მიმართ ფიზიკური შეურაცხყოფისა და ძალადობის უკან.
ახალგაზრდა ქალმა ინსტაგრამის მიმდევრები შოკში ჩააგდო, როცა სასტიკად ცემის შემდეგ, საკუთარი ფოტოები ატვირთა.
,,ალექსანდრაკოსმა თავისი კაცუნები აამოქმედა“… – წერს მოდელი საკუთარ ინსტაგრამზე.
მოდელმა და GNTM-ის ყოფილმა მონაწილემ კადრები გამოაქვეყნა, სადაც ნათლად ჩანს, რომ სახეზე ძლიერი დარტყმა აქვს მიღებული და ცხვირიდან სისხლი სდის.
მიკაელა თავის პოსტებში დეტალებს არ აკონკრეტებს, თუმცა, როგორც ჩანს, თავადაც კარგად იცის, ვინ დგას ამ ყველაფრის უკან. თავის პირველ პოსტში მიკაელამ დაწერა: ,,ალექსანდრაკოსმა თავისი კაცუნები აამოქმედა! ყოჩაღ, შექების ღირსი ხარ!
მომხდარის გამო, ინსტაგრამზე უამრავი გამოხმაურების შემდეგ, ფოტიადისი ახალი სიუჟეტით წარსდგა მიმდევრების წინაშე, სადაც კადრში გაღიმებული პოზირებს.
„ვერავინ გამტეხავს! ეს გამოწვევა უფრო მეტ ძალას მაძლევს! სადაც პროვოცირებას აქვს ადგილი, იქ რეაქციასაც უნდა ელოდე. დაველაპარაკები, როგორც კი თავის ტკივილი გამივლის. ახლა კარგად ვარ. მადლობა თანაგრძნობისთვის. არავის არ ენდოთ: ყველაზე საუკეთესო შეიძლება ყველაზე უარესად იქცეს…გკოცნით“. – წერს საკუთარ პოსტში ფოტომოდელი.
