Deep Sleep Hotel: დაიძინეთ 419 მეტრის სიღრმეზე მიწისქ ვეშ
Deep Sleep Hotel: დაიძინეთ 419 მეტრის სიღრმეზე მიწისქვეშეთში
Deep Sleep Hotel უელსში, გთავაზობთ დედამიწის წიაღში დარჩენის უნიკალურ გამოცდილებას.
ექსპერიმენტული და ექსტრემალური მოგზაურობა დღითიდღე სულ უფრო მეტ დაინტერესებას იძენს: იქნება ეს საზღვაო მოგზაურობა – ზღვის ფსკერზე გამოქვაბულებში უნიკალური ჩაყვინთვით, ლაშქრობა რომელიმე პროვინციის ფერმასა, თუ ვულკანის კრატერის პირთან და ასევე, ,,გამოძინება“… დედამიწის სიღრმის წიაღში.
გვინდა მოგითხროთ ყველაფერი Deep Sleep Hotel-ის შესახებ უელსში, რომელიც გთავაზობთ სრულიად განსხვავებულ გარემოს და მძაფრ მოციებს გპირდებათ, თუმცა მართალი გითხრათ, სასტუმრო ყველასათვის როდია განკუთვნილი.
Deep Sleep Hotel მდებარეობს სნოუდონიას ეროვნული პარკის ვრცელ ტერიტორიაზე. ენით აღუწერელი სილამაზისაა იქაური პეიზაჟები – ტბებითა და მდინარეებით. პარკი ასევე ცნობილია “ერირი” -ს სახელით, რომელიც ადგილობრივების ენაზე ,,არწივების სამყოფელს“ ნიშნავს.
ეს ადგილი უძველესია უელსში და ყოველწლიურად ათასობით ვიზიტორს იღებს.
ალტერნატიული საქმიანობის კომპანია ‘Go Below’ გთავაზობთ სრულიად განსხვავებულ და ექსტრემალურ გამოცდილებას: ,,ყველაზე ღრმა ძილი მსოფლიოში“ და რაღათქმაუნდა, კომპანია არა მშვიდ ძილს, არამედ, მიწის ქვეშ, 419 მეტრის სიღრმეზე განთავსებულ სასტუმროში მოსვენებას გულისხმობს.
ეს არის მიტოვებული, ვიქტორიანული ეპოქის ფიქალის მაღარო, რომელიც სასტუმროდ გადაკეთდა და პირველად, 2023 წლის აპრილში უმასპინძლა სტუმრებს.
სასტუმრო მხოლოდ ერთ ღამით გიმაპინძლებთ და ამასთანავე უნდა აღინიშნოს ისიც, რომ ეს ადგილი ნამდვილად არ არის შესაფერისი იმ ადამიანებისთვის, ვისაც კლაუსტროფობია აქვს…
მაღაროს შესასვლელთან მისვლისას თქვენ მოგეცემათ Deep Sleep Hotel-ში ჩასასვლელად საჭირო აღჭურვილობა, როგორიცაა ჩაფხუტი, ფანარი, ჩექმები და ა.შ. დაღმართი, რომელის გავლასაც დაახლოებით ორი საათი სჭირდება, მოიცავს ძველი სარკინიგზო გალერეების, დატბორილი დერეფნების, მაღაროს რკინის ხიდებსა და კიბეებს; აგრეთვე ერთ-ერთ, ყველაზე გრძელ მიწისქვეშა ზიპ-ხაზს. გაითვალისწინეთ, რომ სასტუმრომდე მისასვლელად გარკვეულ ფიზიკურ კონდიციაში უნდა იყო, რათა შეძლოთ მარშრუტის მოთხოვნების დაკმაყოფილება.
მარშრუტის დასასრულს, ცხელი სასმელები გელოდებათ, რათა ძალები აღიდგინოთ და დაისვენოთ, ხოლო სასტუმროს მუშაობის შესახებ ინფორმაცია ადგილზე მოგეცემათ. მას შემდეგ, როგორც კი თქვენს ოთახებში მოთავსდებით, თქვენ შემოგთავაზებენ სადილს, რომელსაც ყველა სტუმარი ერთად მიირთმევს ხის დიდ, პიკნიკის მაგიდაზე.
აქაური გარემო საკმაოდ მოგაგონებთ ბანაკის გარემოს, თუმცა უფრო – ბნელსა და შეზღუდულს. გაითვალისწინეთ, რომ თქვენი უსაფრთხოების უზრუნველსაყოფად ექსკურსია მძღოლები არ მიგატოვებენ – ისინი საკუთარ სალონში იძინებენ და ყურადღებით არიან.
მათთვის, ვინც გარე სამყაროს ერთი დღითაც ვერ წყდება, სასტუმროს აქვს უკაბელო ინტერნეტი.
ელექტროენერგია სასტუმროს მიკროჰიდროტურბინების გამოყენებით მიეწოდება. რეკომენდირებულია ნივთები, რომელსაც თან იქონიებთ, უნდა იყოს მცირე ზომის, რათა უფრო მარტივად გადაადგილდეთ.
ასევე, უნდა გეცვათ თბილად, რადგანაც იქაური მუდმივი ტემპერატურა 10 °C-ია. მართალია ოთახები უფრო თბილია, თუმცა გარეთ საკმაოდ გრილა. სასტუმროს განსაკუთრებული ხასიათიდან გამომდინარე, არც ალკოჰოლი და არც მოწევა არ არის დაშვებული.
მეორე დილით, 8 საათზე გაისმის მაღვიძარა ზარი.მსუბუქი საუზმის შემდეგ იწყება ასვლა და, რათქმაუნდა, ლაშქრობა თავდაპირველ, საწყის წერტილამდე მისასვლელად.
რაც შეეხება სასტუმროში ღამისთევის ღირებულებას, ის არც თუ ისე დაბალია და 375 ფუნტ სტერლინგს (დაახლოებით 440 ევროს) შეადგენს, თუმცა თუ გავითვალისწინებთ, იმ ფაქტს, რომ გამოცდილ პერსონალსაც კი, რომელიც ზრუნავს ოთახების დასუფთავებაზე და საკვების შევსებაზე, დაახლოებით ერთი საათი სჭირდება 419 მ სიღრმეში ჩასასვლელად და კიდევ ერთი საათი მიწის ზედაპირზე ამოსასვლელად, მაშინ ღირებულება სავსებით შეესაბამება იმ კომფორტულ პირობებს, რასაც Deep Sleep Hotel გთაცაზობთ.
Facebook Comments Box
