უნდა გვეშინოდეთ თუ არა მატარებლით მგზავრობის?
უნდა გვეშინოდეთ თუ არა მატარებლით მგზავრობის?
ამ კითხვაზე პასუხის გაცემა დღითიდღე უფრო რთულდება.
და მაინც.. რამდენად უსაფრთხოა საბერძნეთში საზოგადოებრივი ტრანსპორტით გადაადგილება?!
დღეს შუა დღით კიატო-პატრას მიმართულებით მოძრავი მატარებლის ვაგონები კვამლით გაივსო. აღნიშნულმა შემთხვევამ მგზავრების შეშფოთება გამოიწვა და მათ მატარებლის გაჩერება მოითხოვეს. უნდა ვაღიაროთ, რომ ტემბში მომხდარი ტრაგედიის შემდეგ მგზავრებს ყველანაირი უფლება აქვთ, ეშინოდეთ საზოგადოებრივი ტრანსპორტით, განსაკუთრებით კი მატარებლებით გადაადგილების.
Tempo24.news-ის მიერ გავრცელებულ წყაროებზე დაყრდნობით მატარებლის მძღოლმა, როგორც კი შენიშნა, რომ რაღაც რიგზე ვერ იყო, მაშინვე შეაჩერა მოძრაობა ქსილოკასტროს სადგურზე და მგზავრებს მოუწოდა მატარებელიდან ჩასულიყვნენ.
მგზავრებმა შეძლეს მომდევნო კიატო-პატრასკენ მიმავალ მატარებელს გაჰყოლოდნენ.
მიუხედავად იმისა, რომ აღნიშნულმა შემთხვევამ სავალალო შედეგის გარეშე ჩაიარა, მაინც გვიჩნდება კითხვა: უნდა გვეშინოდეს თუ არა საზოგადოებრივი ტრანსპორტით გადაადგილების?!
