დაკავებულია 26 წლის ახალგაზრდა საბერძნეთში ემიგრანტების უკანონო შემოყვანა-ტრანსპორტირებისთვის
დაკავებულია 26 წლის ახალგაზრდა საბერძნეთში ემიგრანტების უკანონო შემოყვანა-ტრანსპორტირებისთვის
თესალონიკის პოლიციის თანამშრომლებმა დააკავეს 26 წლის უცხოელი ქვეყნის შიგნით ემიგრანტების უკანონო ტრანსპორტირება-შემოყვანის, ძარცვის, დაშინების, თანამშრომლების მიმართ ძალადობის, გამოძალვისა და კრიმინალური დაჯგუფების ორგანიზაციისთვის.
გუშინ პოლიციამ 26 წლის მამაკაცი თესალონიკში, მენემენის მიტოვებულ საწყობში იპოვა და მიუხედავად იმისა, რომ მან სამართალდამცავ ორგანოებს ძლიერი წინააღმდეგობა გაუწია, პოლიციამ მისი დაკავება მაინც შეძლო.
პოლიციის განცხადების თანახმად მიტოვებულ საწყობში 26 წლის მამაკაცთან ერთად იმყოფებოდა 5 უცხოელი, რომლებმაც განაცხადეს, რომ დაკავებული პირისა და მისი თანამზრახველების დახმარებით ქვეყანაში ოთხი დღის წინ შემოვიდნენ და მათი ნების საწინააღმდეგოდ იმყოფებოდნენ ამ მიტოვებულ საწყობში, რადგან დაკავებული და მისი თანამზრახველები ძალის გამოყენებით მათგან მოითხოვდნენ ტრანსპორტირების შეთანხმებული თანხის გადახდას.
