Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
კრიმინალისაბერძნეთი

39 წლის კაცმა 28 წლის პარტნიორი პოლიციის შენობის წინ დანით დაჩეხა

39 წლის კაცმა 28 წლის პარტნიორი პოლიციის შენობის წინ დანით დაჩეხა

მკვლელობის დეტალები, რომელიც ორშაბათს ღამით მოხდა, დრამატულია. მკვლელობა აღიონ ანარღირონის პოლიციის შენობასთან ძალიან ახლოს მოხდა. 28 წლის გოგონა მისმა 39 წლის პარტნიორმა დანით დაჩეხა და ძალა გამოცლილი მსხვერპლი მიწაზე უსოლოდ დაეცა.

გავრცელებულ ინფორმაციაზე დაყრდნობით 28 წლის გოგონამ 2020 წელს პოლიციის მიერ მოძალადისთვის შემაკავებელი ორდერის გაცემა მოითხოვა, რადგან ის მასზე ფიზიკურად ძალადობდა და მისი გაუპატიურება რამდენჯერმე სცადა. თუმცა პოლიციას შესაბამისი ზომები არ მიუღია.

ახალგაზრდა გოგონა ორშაბათს საღამოს მის მეგობართან ერთად ისევ მივიდა პოლიციაში ჩვენების მისაცემად. ვიმედოვნებთ, რომ სწორედ ეს ჩვენება მოჰფენს ნათელს მის ტრაგიკულად დასრულებულ სიცოცხლეს.

მართალია, რომ გოგონას საჩივარი არ შეუტანია მოძალადის წინააღმდეგ, მაგრამ პოლიციის თანამშრომელ ქალბატონს უთხრა, რომ ძალიან შეშინებული იყო და ითხოვა, რომ სახლში პატრულის მანქანით წაეყვანათ. პოლიციის თანამშრომელმა მას უთხრა რომ იმ მომენტისთვის არ იყო თავისუფალი საპატრულო მანქანა და ურჩია რომ 100-ზე დაერეკა, გოგონამ კი უპასუხა, რომ როგორც კი დატოვებდნენ პოლიციის შენობას მაშინვე დარეკავდა 100-ზე.

თუმცა მაშინ, როცა 28 წლის გოგონამ პოლიციის შენობა დატოვა და გავრცელებული ინფორმაციის თანახმად უკვე დარეკილი ჰქონდა 100-ზე, მას მოძალადე თავს დაესხა. თავდასხმის ყველა დეტალი მოისმინა თანამშრომელმა, რომელიც სატელეფონო ხაზზე იმყოფებოდა გარდაცვლილთან. 39 წლის მამაკაცი მსხვერპლს მოტოციკლეტით მიუხალოვდა, გოგონა თავის გადასარჩენად პოლიციის შენობისკენ გაიქცა, მაგრამ სამწუხაროდ მან შენობამდე მისვლა ვერ მოასწრო. მოძალადე გოგონას დაეწია და სიცოცხლეს გამოასალმა. 

იმის გათვალისწინებით, რომ დანაშაული პოლიციის სამმართველოდან მცირე მანძილზე მოხდა, გარდა მკვლელობის დეტალების გამოძიებისა, გამოძიება ასევე მიმდინარეობს იმის თაობაზე, თუ რა უძღოდა უბედურ შემთხვევას წინ.

ა.წ. გავრცელებული ინფორმაციით, მორიგე ოფიცერს ახალი დაწყებული აქვს მუშაობა პოლიციაში, ხოლო გარდაცვლილის მეგობარი, რომელიც მსხვერპლთან ერთად იმყოფებოდა ჩვენების მისაცემად, მისი ყოფილი პარტნიორია.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *