თვითმკვლელობის მეორე მცდელობა

თვითმკვლელობის მეორე მცდელობა

როგორც ცნობილია,  წმ. ანარგირების რაიონული პოლიციის განყოფილების წინ მოკლული, 28 წლის გოგონას მკვლელობაში დამნაშავემ, კორიდალოს ციხის საკანში თვითმკვლელობა სცადა.

დამნაშავის მიერ ,,თვითმკვლელობის“ მორიგ მცდელობას, პატიმრის რეანიმაციულ განყოფილებაში გადაყვანა მოჰყვა.

ამ ეტაპზე, 39 წლის მამაკაცს უკვე აღუდგა გარემოსთან კონტაქტი.  ექიმების შეფასებით, მან თვითმკვლელობის მცდელობის შემდგომი საფრთხე დაძლია და რამდენიმე დღეში მას სავარაუდოდ, საკანში გადაიყვანენ, თუმცა, პატიმარი გააგრძელებს მკურნალობას.

შეგახსენებთ, რომ შემზარავი დანაშაულის ჩამდენმა, ციხის საკანში თვითმკვლელობა იმ სახვევებით სცადა, რომელიც დანაშაულის ჩადენის დროს თვითდაზიენების პირველ მცდელობაზე, მას ექიმებმა თავზე და კისერზე დაადეს.

მოკლული გოგონას მამამ  ჟურნალისტებს განუცხადა, რომ მკვლელი წლების განმავლობაში ნარკოდამოკიდებულია და მის მიერ თვითმკვლელობის მცდელობა სხვა არაფერი იყო, თუ არა ნარკოტიკების გარეშე დარჩენილი ადამიანის იმპულსური ქმედება…

უბედური გოგონას მამის აღიარებას სამედიცინო უწყების POEDIN- ის პრეზიდენტის განცხადებაც ემატება, სადაც პრეზიდენტი მიხალი ჯანაკოსი აღნიშნავს, რომ: ,, ეს ადამიანი მანიპულირებული თვითმკვლელობით ფსიქიატრიულ საავადმყოფოში ვერ და არ აღმოჩნდება!“