ვულიაგმენი: ორსული პარტნიორის ცემისთვის 48 წლის მამაკაცი დააკავეს

კვირას (29/10) დილით პოლიციის თანამშრომლებმა ვულიაგმენში ორსული პარტნიორის სასტიკი ცემის ბრალდებით 48 წლის მამაკაცი დააკავეს, რომელიც ცნობილი ბიზნესმენის ოჯახის წევრია.

გავრცელებული ინფორმაციით, 27 წლის ქალი დაუკავშირდა პოლიციას და შეატყობინა, რომ მისმა 48 წლის პარტნიორმა კვირას, ღამის 12 საათის შემდეგ, ის მანქანაში მუშტებით და წიხლებით სასტიკად სცემა.

პოლიციამ 48 წლის მამაკაცი ბარში იპოვა და დააკავა, რის შემდეგაც მან თავის მხრივ შეიტანა სარჩელი პარტნიორის წინააღმდეგ შეურაცხყოფის, სხეულის დაზიანების და მუქარის ბრალდებით.

დაკავებული მამაკაცი პოლიციაში გადაიყვანეს, საიდანაც  ხელწერილის საფუძველზე გაათავისუფლეს, ქალს კი სავარაუდოდ ექსპერტიზა ჩაუტარდება.