კრეტა: დაკავებულია ციხის თანამშრომელი, რომელიც პატიმრებისთვის ტელეფონის შეტანას ცდილობდა

კრეტა: დაკავებულია ციხის თანამშრომელი, რომელიც პატიმრებისთვის ტელეფონის შეტანას ცდილობდა

აღია ხანიას ციხის გარე ტერიტორიის დაცვის თანამშრომელი მობილურ ტელეფონებს ციხის ტერიტორიაზე ტოვებდა. აღნიშნულ ტერიტორიებზე პატიმრებს ჰქონდათ წვდომა და შეეძლოთ სატელეფონო ზარები განეხორციელებინათ.

დაკავების შემდეგ 27 წლის დაცვის თანამშრომელი პოლიციამ პროკურორთან დაკითხვაზე გადაიყვანა. თუმცა დაკავებული პატიმრობაში არ დარჩა და პროკურორის ბრძანებით დაკავებული დროებით, საქმის განხილვამდე გაათავისუფლეს.

გარე ტერიტორიის მცველთა კავშირის პრეზიდენტმა, პანაიოტის სტაფილარაკმა განაცხადა: “საუბარი გვაქვს შემთხვევაზე, რომელმაც ძალიან გაგვაბრაზა, იმედები გაგვიცრუა და შეგვაშფოთა. დაკავებული 7 თვის მანძილზე მუშაობდა ციხის გარე ტერიტორიის მცველად. აღნიშნულ პოსტზე გადმოსვლამდე კი შიდა ოფიცრის პოზიციაზე მუშაობდა. ჩვენ, როგორც კავშირი, ერთის მხრივ უხერხულად ვგრძნობთ თავს მომხდარის გამო, ხოლო მეორეს მხრივ კი ვთვლით, რომ იღბლიანები ვართ, რადგან მალევე მოხდა დანაშაულებრივი ქმედების აღმოჩენა.”