სისხლიანი ეპიზოდი კაფე-ბარში – დაშავებულია 37 წლის ახალგაზრდა 

სისხლიანი ეპიზოდი კაფე-ბარში – დაშავებულია 37 წლის ახალგაზრდა სირიიდან

ორშაბათს გამთენიის 02:00 საათზე  აღიოს პანდელეიმონზე მდებარე კაფეში მომხდარ ჩხუბში მონაწილე 37 წლის ახალგაზრდა მძიმედ დაშავდა.

ΕΡΤ-ის მიერ გავრცელებული ინფორმაციის თანახმად შემთხვევა ახარნონის ქუჩაზე, ერთ-ერთ კაფე-ბარში მოხდა, სადაც ახალგაზრდები ჩილიმის მოსაწევად იყვნენ შესულები. 

იმავე ინფორმაციაზე დაყრდნობით 37 წლის მამაკაცი კაფე-ბარის შესასვლელთან გაჩერდა, სადაც შელაპარაკება მოუვიდა კაფე-ბარში მყოფ მუდმივ კლიენტებთან, რომლებიც დაზარალებულს თავს დაესხნენ და სკამებით სცემეს.

ინციდენტის შემდეგ დაშავებული პოლიციაში წავიდა და საჩივარი დაწერა თავდამსხმელების წინააღმდეგ. 

საჩივრის მიღების შემდეგ ადგილზე მისულმა პოლიციამ 4 ადამიანი დააკავა. 

დაშავებული კი საავადმყოფოში გადაიყვანეს.