ისთმოსი: დაღვრილი საწვავისგან გაჩენილი ხანძარი ჩააქრეს – აფეთქებების შედეგად ჩამოინგრა ხიდი

ისთმოსი: დაღვრილი საწვავისგან გაჩენილი ხანძარი ჩააქრეს – აფეთქებების შედეგად ჩამოინგრა ხიდი

პარასკევს ისთმოსში ამოტრიალებული ტანკერის შედეგად დაღვრილმა საწვავმა ათენი-კორინთოს გზაზე ჯოჯოხეთური აფეთქებები გამოიწვია. 

სახანძრო-სამაშველო ბრიგადამ ხანძარი სრულად ჩააქრო. ძალიან რთულ და ძლიერ ცეცხლთან მოუწიათ შეჭიდება მეხანძრეებს, რადგან ფაქტიურად შეუძლებელი იყო ცეცხლის კერასთან მიდგომა. 

საბედნიეროდ ცეცხლი მიმდებარე ტერიტორიას არ მოსდებია. 

ტანკერის მძღოლი საავადმყოფოში გადაიყვანეს. საბედნიეროდ ხანძარს მეტი მსხვერპლი არ მოჰყოლია.

დიდი ზიანი მიადგა ხიდს, რომლის ქვეშაც აფეთქება მოხდა. აიკრძალა აღნიშნულ ტერიტორიაზე მანქანების გადაადგილება, მანამ, სანამ არ დასრულდება ექსპერტიზა, რომელიც დაადგენს რამდენად ფუნქციონირებადი დარჩება აღნიშნული ხიდი.