ავტოსაგზაო შემთხვევა ეგინაში: სკოლის ავტობუსს ხელის მუხრუჭი დაუზიანდა – სამი მოსწავლე საავადმყოფოშია
მძიმე ავტოსაგზაო შემთხვევა მოხდა დღეს, ხუთშაბათს შუადღისას ეგინაში, კონკრეტულად წმინდა ნექტარიოს მონასტრის გარეთ.
გავრცელებული ცნობით, წმინდა ნექტარიოს მონასტრის ავტოსადგომზე ერთმანეთის პირისპირ გაჩერებული ორი ავტობუსიდან, ჯერჯერობით გაურკვეველი მიზეზების გამო, ერთ-ერთი მათგანის ხელის მუხრუჭი მწყობრიდან გამოვიდა და მოულოდნელად ადგილიდან დაიძრა, რის შედეგადაც ორ ავტობუსს შორის მოყოლილი სამი მოსწავლე დაშავდა.
პირველადი ინფორმაციით ავტობუსს მონასტრის მოსანახულებლად ჩასული მოსწავლე- ექსკურსანტები გადაჰყავდა.
დაშავებული მოსწავლეები ამ ავტობუსის მგზავრები არ იყვნენ, ისინი შემთხვევის მომენტში სხვა ავტობუსიდან ჩამოვიდნენ.
სამივე მათგანი ეგინას ჯანმრთელობის ცენტრშია გადაყვანილი.
ერთი მოსწავლის მდგომარეობა მძიმეა, თუმცა მის სიცოცხლეს საფრთხე არ ემუქრება.
ჯერჯერობით უცნობია მიზეზი, თუ რამ გამოიწვია ავტობუსის მუხრუჭის დაზიანება.
შემთხვევის გამომწვევ მიზეზს ეგინას პოლიციის დეპარტამენტი იძიებს.
