პოლიციამ ავსტრიის მოქალაქე დააკავა, რომელიც კუნძული კოსკენ მიმავალ რეისზე ჰაშიშს ეწეოდა
პოლიციამ ავსტრიის მოქალაქე დააკავა, რომელიც კუნძული კოსკენ მიმავალ რეისზე ჰაშიშს ეწეოდა
კუნძულ კოსზე ვენა-კოს რეისის დაშვებისთანავე პოლიციამ ავსტრიელი 29 წლის ტურისტი დააკავა, რომელმაც ფრენის დროს ნარკოტიკული ნივთიერება მოიხმარა.
სანამ თვითმფრინავი დაჯდებოდა ახალგაზრდა გოგონა საპირფარეშოში შევიდა, სადაც საკმაოდ დიდი ხანი დაჰყო, რის გამოც ბორტგამცილებლებმა მისი შემოწმება გადაწყვიტეს. საპირფარეშოში შესვლისთანავე ბორტგამცილებლებმა აღმოაჩინეს, რომ გოგონა ნარკოტიკული ნივთიერების ზემოქმედების ქვეშ იმყოფებოდა.
გოგონა ეკიპაჟის მითითებებს არ დაემორჩილა, რის გამოც ბორტგამცილებლები იძულებულნი გახდნენ ეცნობებინათ საქმის ვითარება სამართალდამცავი ორგანოებისთვის.
გამომდინარე აქედან, როგორც კი თვითმფრინავი კუნძული კოს აეროპორტში დაეშვა პოლიციამ ავსტრიელი ტურისტი დააკავა. დაკავებულის ჩხრეკისას ამოღებულ იქნა 24 გრამი ჰაშიში.
