სანტორინი: სამ მაღაზიაში ნარკოტიკი ღიად იყიდებოდა

ამსტერდამის Coffee Shops-ების  მსგავსად, სანტორინიში ფუნქციონირებდა სამი მაღაზია, რომლებსაც სხვა პროდუქტებთან ერთად გასაყიდად ჰქონდათ ნედლი კანაფი და მისგან წარმოებული პროდუქცია  და მომხმარებლებს  აძლევდნენ უფლებას, გამოეყენებინათ  შეზღუდულ ადგილებში!

ორშაბათს ღამით, თირას  პოლიციის თანამშრომლების მიერ ჩატარებული ოპერაციის დროს, დააკავეს მაღაზიის მფლობელი, სამი თანამშრომელი და სამი მომხმარებელი, სამი ბერძენი და ოთხი უცხოელი.

მათ მფლობელობაში და იმ მაღაზიებში, რომლებსაც არ გააჩნდათ საქმიანობის ლიცენზია, აღმოაჩინეს ნედლი კანაფი ერთი კილოგრამი და 498 გრამი, ჰაშიშის ზეთი ოთხი კილოგრამი და 320 გრამი, კანაფის ჩაი ორი კილოგრამი და 640 გრამი.

უცნობი ქიმიური შემადგენლობის ნივთიერება წონით 26 გრამი, რომელიც გაგზავნილია ანალიზისთვის, 885 კანაფის ტკბილეული, 550 ღერი სიგარეტი, 95 კოლოფი  სიგარეტი და 12 შეკვრა კანაფის არომატიზატორი.

ყველა უკანონო პროდუქცია ამოღებულია და ნარკოტიკების შენახვის, მოხმარებისა და გავრცელების ბრალდებით დაკავებული შვიდი პირის მიმართ აღიძრა საქმე, რომლითაც ისინი ნაქსოს რაიონულ სასამართლოში გადაიყვანეს.