კრიტი: ქალმა ყოფილი მეუღლის სახლის დაწვა გადაწყვიტა, საბოლოოდ კი ავტოსაგზაო შემთხვევის შედეგად დაშავდა
ეს ის შემთხვევაა, რაზეც პოლიციაც და სახანძრო სამსახურიც ერთობლივად თანამშრომლობდა, რადგან მთავარმა მოქმედმა გმირმა, ერთ-ერთ სოფელში მცხოვრებმა ქალმა ყოფილი ქმრის სახლის დაწვა სცადა, შემდეგ კი მისი ავტომანქანის საბურავები დაჭრა.
შემთხვევის ადგილზე აღმოჩნდნენ თვითმხილველები და დაუყოვნებლივ შეატყობინეს სახლისა და მანქანის პატრონს , რომელმაც დახმარებისთვის პოლიცია და სახანძრო სამსახური გამოიძახა.
გავრცელებული ინფორმაციით, ქალის ქმედება, როგორც მინიმუმ, მას და მის ყოფილ ქმარს შორის არსებულ პირად უთანხმოებას უკავშირდება.
გავრცელებული ინფორმაციით ქალმა შეიტყო ყოფილი ქმრის გარკვეული ქმედებების შესახებ, რამაც მისი გაღიზიანება გამოიწვია და შურისძიება გადაწყვიტა.
აღნიშნულ ფაქტზე დაიწყო გამოძიება, დამნაშავე იპოვეს და იგი ჩვენების მისაცემად უნდა გამოცხადებულიყო, მაგრამ გავიდა დღეები და ქალი არ ჩანდა.
როდესაც პოლიცია მის საცხოვრებელ ბინაში მივიდა, ავტოსაგზაო შემთხვევის შედეგად მიღებული დაზიანებებით აღმოაჩინეს.
ამ დრომდე გაურკვეველია რა გარემოებებში მოხდა ავტოსაგზაო შემთხვევა, რომლის დროსაც დაშავდა ავტომობილის დაზიანებასა და ცეცხლის წაკიდების მცდელობაში ბრალდებული სავარაუდო დამნაშავე.
