თესალონიკი: გემი სასწრაფოდ დაბრუნდა პორტში- 25 წლის მგზავრს ტრავმის გამო საავადმყოფოში გადაყვანა დასჭირდა
სალონიკის პორტიდან გასული Blue Star Myconos- ის კაპიტანი გუშინ, გამგზავრებიდან სულ მოკლე ხანში, იძულებული გახდა ნაოსნობის კურსი შეეცვალა და გემი უკან, პორტში დაებრუნებინა, რადგან ერთ-ერთი მგზავრის, 25 წლის გოგონას უცაბედი ტრავმის გამო საავადმყოფოში გადაყვანა გახდა საჭირო.
კერძოდ, 25 წლის მგზავრმა მოულოდნელად იგრძნო ძლიერი, აუტანელი ტკივილი მარჯვენა მუხლის არეში მას შემდეგ, რაც სკამზე დაჯდომა სცადა.
მომხდარის შესახებ ეკიპაჟსა და კაპიტანს აცნობეს და ისინი სასწრაფოდ დაბრუნდნენ პორტში, რათა ახალგაზრდა საავადმყოფოში გადაეყვანათ.
25 წლის გოგონა სასწრაფო დახმარების მანქანით სალონიკში, პაპაგეორგიუს გენერალურ ჰოსპიტალში გადაიყვანეს სამკურნალოდ.
ჯერჯერობით უცნობია რა გახდა მიღებული ტრავმის მიზეზი და ადგილი ჰქონდა თუ არა რაიმე მექანიკურ დაზიანებას.
აღნიშნულ ფაქტზე წინასწარ გამოძიებას სალონიკის ცენტრალური საპორტო სამსახური აწარმოებს.
