კორინთია: ბავშვი საცხოვრებელი კორპუსის პირველი სართულის აივნიდან გადმოვარდა

კორინთიაში, ზევგოლატიოში  წლინახევრის ბავშვი   საცხოვრებელი ბინის პირველი სართულის აივნიდან გადმოვარდა .

შემთხვევის ადგილზე დაუყოვნებლივ  გამოიძახეს სასწრაფო დახმარების მანქანა და ბავშვი  კორინთიას გენერალურ საავადმყოფოში გადაიყვანეს.

იქ მას პირველადი დახმარება სამედიცინო და საექთნო პერსონალმა გაუწია, შემდეგ კი  საჭიროდ ჩათვალეს მისი გადაყვანა „აგია სოფია”-ს ბავშვთა საავადმყოფოში.

სასწრაფო დახმარების მანქანას თან კორინთიას გენერალური საავადმყოფოს ანესთეზიოლოგი ახლდა.

ადგილობრივი მედიის ცნობით, ბავშვის  მდგომარეობა სტაბილურია და მის სიცოცხლეს საფრთხე არ ემუქრება.

მომხდარი შემთხვევის  შესახებ დამატებითი დეტალები ჯერჯერობით არ ვრცელდება.