Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიკრიმინალი

მოიტან 150 ევროს და გაივლი – ვრცელდება საბაჟოს თანამშრომლების დიალოგები მავრომატის საზღვრიდან

მოიტან 150 ევროს და გაივლი – ვრცელდება საბაჟოს თანამშრომლების დიალოგები მავრომატის საზღვრიდან

ფარდას ხდის ყველა დანაშაულებრივ ქმედებას მავროპამტის საბაჟოზე ჩაწერილი თანამშრომლების მძღოლებთან დიალოგები, რომლებიც სპეც ოპერაციის ფარგლებში სამართალ დამცავმა ორგანოებმა მოიპოვეს.

გამოძიების შედეგად დადგინდა, რომ თანამშრომლებს 300-ზე მეტი ქრთამი ჰქონდათ აღებული, რაც ჯამში ათიათასობით ევროს შეადგენს.

შოკის მომგვრელია დიალოგები, რომლებიც სოც.მედიაში ვრცელდება. ერთ-ერთი მათგანი თანამშრომლისა და მძღოლის დიალოგს ასახავს, როცა საბაჟოს თანამშრომელი მიხვდა რომ მძღოლი რაღაცას მალავდა და “ყავის” სანაცვლოდ თვალის დახუჭვა შესთავაზა:

თანამშრომელი: მოიტანე ერთი “ყავა” და გაიარე, მოიტანე ერთი “ყავა” და გაიარე.

მძღოლი: გავიარო?

თანამშრომელი: მოიტანე ერთი “ყავა” და გაიარე. კარგი რა, 10 ლიტრი უთხარი და რეალურად 30 გაქვს. მოდი მოდი ერთი შემოდი შიგნით არ დაგინახონ მანდ, მოდი, დაგვიტოვე ერთი “ყავა” და გაიარე.

შემაშფოთებელია მეორე დიალოგიც, რომელშიც საბაჟოს თანამშრომელი მძღოლს 3 000 ევროს ოდენობის ჯარიმის გამოწერით ემუქრება საბერძნეთის ტერიტორიაზე 7 თვიანი ყოფნის გამო, რადგან კანონით გათვალისწინებულ დროს გადააჭარბა. დიალოგში ნათლად იკითხება ფსიქოლოგიური ზეწოლა, რომელსაც თანამშრომელი მოქალაქეზე ახდენს, ბოლოს კი 150 ევროს სანაცვლოდ სთავაზობს თვალის დახუჭვას, რაზეც მოქალაქე თანხმდება. 

შეგახსნებთ, რომ ამ ეტაპისთვის დაკავებულია გამშვები პუნქტის დირექტორი და 13 თანამშრომელი, რომლებსაც ბრალი ქრთამის აღებაში ედებათ.

სპეცოპერაციის მთავარი ცენტრი მავრომატის გამშვები პუნქტია, რომელიც საბერძნეთი ალბანეთის საზღვარზეა.

სპეცოპერაციის შედეგად დადგინდა, რომ საბაჟოს თანამშრომლები ან ნაწილობრივ შემოწმებას ატარებდნენ, ან სრულიად თვალს ხუჭავდნენ პროდუქციაზე, რომელიც საზღვარზე გადმოდიოდა. 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *