ზაფხულის მოსვლასთან ერთად სასმელი წყლის დეფიციტის პრობლემა იზრდება

ზაფხულის მოსვლასთან ერთად სასმელი წყლის დეფიციტის პრობლემა იზრდება

ზაფხულის მოსვლასთან ერთად სასმელი წყლის დეფიციტის პრობლემა საბერძნეთის ტერიტორიაზე კიდევ უფრო საგრძნობი ხდება.

საბერძნეთი მსოფლიოში მე-19 ადგილს იკავებს წყლის დეფიციტის რისკის მხრივ. აღნიშნულ ფენომენს კი კლიმატის ცვლილება, ისევე როგორც წყლის არასწორი და გადაჭარბებული მოხმარება მკვეთრად აუარესებს. 

მსოფლიო რესურსების ინსტიტუტის კვლევის შედეგად დადგინდა, რომ ნალექის შემცირება და წყლის გადაჭარბებული გამოყენება როგორც სარწყავი, ასევე საყოფაცხოვრებო გამოყენებისთვის დღითდღე უფრო ამწვავებს წყლის დეფიციტის პრობლემას.

სწორედ ამიტომ კირიაკოს მიცოტაკისის ხელმძღვანელობით ჩატარებულ შეხვედრაზე აღნიშნული პრობლემის აღმოფხვრის მეთოდების განსახილველად გადაწყდა, რომ უნდა გაიწეროს ეროვნული გეგმა, რომელიც გრძელვადიან პერსპექტივაში გადაჭრის პრობლემას მომდევნო 30 წლის განმავლობაში.

პრემიერ-მინისტრმა ხაზგასმით აღნიშნა, რომ წყალი არის და დარჩება საზოგადოებრივი და სასიცოცხლოდ მნიშვნელოვან რესურსად და საბერძეთის სახელმწიფო გააკეთებს ყველაფერს აღნიშნული რესურსის შესანარჩუნებლად.